Foto: ashyq derekkózden
Astanada jol qozǵalysy erejelerin óreskel ári júieli túrde buzǵan júrgizýshi 15 táýlikke qamaýǵa alyndy, dep habarlaidy Ult.kz.
Politsiia málimetinshe, 27 jastaǵy BMW júrgizýshisi jyl basynan beri 61 ret ákimshilik jaýapkershilikke tartylǵan. Onyń 59-y – jyldamdyqty asyrý derekteri.
Eń qaýipti jaǵdailardyń biri ál-Farabi kóshesinde tirkelgen. Júrgizýshi jaiaý júrginshiler ótkelinen saǵatyna 133 shaqyrym jyldamdyqpen qyzyl jaryqqa ótip ketken. Buǵan qosa, ruqsat etilgen 90 km/saǵ jyldamdyqtyń ornyna 216 km/saǵ-pen júrgeni anyqtalǵan.
Politsiia mundai áreketterdiń azamattardyń ómiri men densaýlyǵyna tikelei qaýip tóndiretinin atap ótti.
Quqyq buzýshy usaq buzaqylyq baby boiynsha jaýapqa tartylyp, 15 táýlikke qamaldy. Kólik kommýnaldyq turaqqa qoiyldy.
Vedomstvo ókilderi zań talaptaryn qasaqana elemeitin tulǵalarǵa, olardyń áleýmettik mártebesine nemese tabys deńgeiine qaramastan, qatań shara qoldanylatynyn málimdedi.
Kozachkov offside Telegram arnasynyń jazýynsha, ustalǵan azamat – tanymal IT-kásipker, mobildi oiyn ázirleýshi Roman Lineitsev. Ol “Grand Mobile” jobasynyń avtory retinde belgili. 2024 jyly kompaniia tabysy 18 million dollardy quraǵany aitylǵan. Sondai-aq ol Forbes jýrnalynyń “30 jasqa deiingi 30 úzdik” tizimine engen.
Aqparattarǵa sáikes, kásipkerdiń ieliginde birneshe kólik bar jáne ol túrli sporttyq uiymdar men startaptardy qoldap keledi. Alaida bul jaǵdai zań talaptaryn saqtaýdyń barshaǵa birdei mindet ekenin taǵy bir márte kórsetti.
