قازاقستاندا بالالاردى بٸرٸنشٸ سىنىپقا قابىلداۋ جالعاسۋدا. جاڭا وقۋ جىلىندا 380 مىڭنان استام بالا مەكتەپ تابالدىرىعىن اتتايدى دەپ كٷتٸلۋدە. بٷگٸندە بولجانعان بالا سانىنىڭ 320 مىڭعا جۋىعى, ياعني شامامەن 84%-ى مەكتەپتەرگە قابىلداندى, دەپ حابارلايدى ult.kz.
قابىلدانعان بالالاردىڭ 296 مىڭعا جۋىعى مەملەكەتتٸك, 23 مىڭعا جۋىعى جەكەمەنشٸك مەكتەپتەردە بٸلٸم الادى. قالالىق مەكتەپتەرگە 191 مىڭعا جۋىق, اۋىلدىق مەكتەپتەرگە 128 مىڭعا جۋىق بالا قابىلداندى. سونداي-اق بٸلٸم بەرۋ ۇيىمدارىنا ەرەكشە بٸلٸم بەرۋ قاجەتتٸلٸكتەرٸ بار 4 مىڭعا جۋىق بالا قابىلداندى.
قۇجاتتاردى قابىلداۋ وقۋ-اعارتۋ مينيسترلٸگٸ مەن جاساندى ينتەللەكت جەنە تسيفرلىق دامۋ مينيسترلٸگٸنٸڭ بٸرلەسكەن بۇيرىعى نەگٸزٸندە پيلوتتىق جوبا اياسىندا جٷرگٸزٸلۋدە. ٶتٸنٸشتەر 2026 جىلعى 27 مامىر مەن 31 تامىز ارالىعىندا بەكٸتٸلگەن كەستەگە سەيكەس كەزەڭ-كەزەڭٸمەن قابىلدانادى.
ٶتٸنٸشتەردٸڭ 84%-عا جۋىعىن اتا-انالار ەلەكتروندىق فورماتتا بەرگەن. قۇجاتتاردى eGov.kz ەلەكتروندىق ٷكٸمەت پورتالى نەمەسە eGov Mobile موبيلدٸ قوسىمشاسى ارقىلى, سونداي-اق تاڭدالعان مەكتەپكە تٸكەلەي تاپسىرۋعا بولادى.
بٸرٸنشٸ سىنىپ وقۋشىلارىنىڭ ەڭ كٶپ سانى تٷركٸستان وبلىسىندا - 50 مىڭنان استام, الماتى وبلىسىندا - 35 مىڭنان استام, استانادا - 33 مىڭ, الماتىدا - 31 مىڭنان استام جەنە شىمكەنتتە - 29 مىڭنان استام بولادى دەپ كٷتٸلۋدە. بۇل وسى ٶڭٸرلەردەگٸ حالىق سانىنىڭ كٶپتٸگٸمەن جەنە تۋۋ دەڭگەيٸنٸڭ جوعارى بولۋىمەن بايلانىستى.
وقۋ-اعارتۋ مينيسترلٸگٸ اتا-انالارعا قۇجاتتاردى ۋاقىتىلى رەسٸمدەۋدٸ ۇسىنادى. قوسىمشا اقپاراتتى تاڭدالعان مەكتەپتەن, eGov.kz پورتالىنان جەنە eGov Mobile قوسىمشاسىنان الۋعا بولادى.
