جان احماديەۆ مەركٸدە كٶز جۇمعان ماديناعا قاتىستى ماڭىزدى مەلٸمدەمە جاسادى , دەپ حابارلايدى ult.kz.
“مادينانىڭ ٸسٸنە قاتىستى ەلەۋمەتتٸك جەلٸدە جالعان اقپاراتتار تاراپ جاتىر. تەكسەرٸلمەگەن ەڭگٸمەلەرگە سەنبەڭٸزدەر! ناقتى ەرٸ رەسمي اقپاراتتى تەك بٸزدٸڭ پاراقشادان الۋلارىڭىزدى سۇرايمىز. ماديناعا ەدٸلدٸك — تەك اقيقاتپەن ورنايدى!”, - دەدٸ ول.
ايتا كەتەيٸك, جامبىل وبلىسىنىڭ مەركٸ اۋدانىندا 19 جاستاعى مادينا راشيدقىزىنىڭ ٶلٸمٸنە قاتىستى جاڭا مەلٸمەتتەر پايدا بولدى. قازٸر بۇل ٸس بويىنشا تەرگەۋ جٷرٸپ جاتىر.
مادينا ٶزبەكستان ازاماتى بولعان. ول قازاقستان ازاماتىنا تۇرمىسقا شىعىپ, مەركٸ اۋدانىندا كٷيەۋٸمەن بٸرگە شامامەن ەكٸ جىل تۇرعان. ارتىندا سەگٸز ايلىق سەبيٸ قالعان.
بۇعان دەيٸن مارقۇمنىڭ قۇربىسىنا جازعان حابارلامالارى جارييالانعان ەدٸ. وندا مادينا كٷيەۋٸمەن جيٸ جانجالداساتىنىن, تٸپتٸ ونىڭ قول كٶتەرگەنٸن ايتقان. سوڭعى جانجالدىڭ بٸر «بارني» تەتتٸسٸنە بايلانىستى بولعانىن جازعان. كەيٸن ول زاتتارىن جيناپ, كٷيەۋٸنەن كەتٸپ, اجىراسقىسى كەلەتٸنٸن قۇربىسىنا جەتكٸزگەن.
مادينانىڭ ٶلٸمٸنە قاتىستى جامبىل وبلىسىنىڭ پوليتسيياسى ٶزٸن-ٶزٸ ٶلتٸرۋگە دەيٸن جەتكٸزۋدەرەگٸ بويىنشا سوتقا دەيٸنگٸ تەرگەۋ باستاعان. الايدا مارقۇمنىڭ تۋىستارى ونىڭ ٶلٸمٸنە كٷمەن كەلتٸرٸپ, ٸستٸ جان-جاقتى تەكسەرۋدٸ تالاپ ەتٸپ وتىر.
ەلەۋمەتتٸك جەلٸدە مادينانىڭ كٷيەۋٸ تاراپىنان زورلىق-زومبىلىق بولعانى تۋرالى تٷرلٸ مەلٸمەتتەر تاراعانىمەن, ولاردىڭ بٸرقاتارى ەزٸرگە رەسمي تٷردە راستالعان جوق. سوندىقتان وقيعانىڭ ناقتى مەن-جايى مەن ٶلٸم سەبەبٸ تەرگەۋ نەتيجەسٸندە انىقتالۋى تيٸس.
