«Z» ۇرپاعى - ٶتە كەدەي, بٸراق ەڭ تابىستى ۇرپاق. بۇل تۋرالى بٷگٸن مەجٸلٸستەگٸ ٷكٸمەت ساعاتىندا قر اقپارات جەنە قوعامدىق دامۋ مينيسترٸ دەۋرەن اباەۆ ايتتى, دەپ حابارلايدى قازاقپارات.
«ٶزدەرٸڭٸزگە بەلگٸلٸ, قر تۇڭعىش پرەزيدەنتٸ – ەلباسى نۇرسۇلتان نازارباەۆ 2019 جىلدى جاستار جىلى دەپ جارييالادى. ونداعى ماقسات – جاستارىمىزعا ٶزدەرٸن جەتٸلدٸرۋٸنە, تابىستى دامۋىنا جەنە ەل-اۋقاتىن نىعايتۋعا مٷمكٸندٸك جاساۋ. بۇل جەردە ەسكەرەتٸن مەسەلە – اۋقىمى مەن ماڭىزى بويىنشا جاستار جىلىن تەك 12 ايعا ەسەپتەلگەن ٸس-شارالاردىڭ كٷنتٸزبەلٸك جوسپارى دەپ قاراستىرۋعا بولمايدى. جاستار ساياساتى سالاسىنداعى ٷكٸمەت جٷزەگە اسىراتىن كەشەندٸ باستامالار جٷيەلٸ, ەڭ باستىسى, ۇزاق مەرزٸمدٸ ەلەۋمەتتٸك نەتيجە تۋدىرۋى تيٸس», - دەدٸ مينيستر.
ونىڭ ايتۋىنشا, نەگٸزگٸ ٸس-شارالار 3 جىلعا ەسەپتەلگەن. ال مەملەكەتتٸك قولداۋدىڭ ەڭ تيٸمدٸ شارالارى مەملەكەتتٸك جاستار ساياساتىنىڭ ون جىلدىق تۇجىرىمداماسىنا كٸرەدٸ. ٸس-شارالاردى جوسپارلاۋ جەنە جٷزەگە اسىرۋ قازاقستاندىق جاستاردىڭ نەگٸزگٸ دەموگرافييالىق سيپاتتامالارىن ەسكەرە وتىرىپ جٷرگٸزٸلدٸ.
«بٷگٸندە قازاقستاندا ٷش ميلليون سەگٸز جٷز مىڭنان استام جاستار بار. بۇل جالپى حالىق سانىنىڭ 21 پايىزى. جاس ٶلشەمٸ بويىنشا 1 ميلليون 181 مىڭ جاس يۋۆەنالدىق توپقا جاتادى – بۇل 14 جاستان 18 جاسقا دەيٸنگٸ ادامدار. پوستيۋۆەنالدى توپقا – 19-دان 23 جاسقا دەيٸنگٸ 1 ميلليون 160 مىڭ ازامات جاتادى. 24-29 جاس ارالىعىنداعى ەرەسەك توپ بٸر جارىم ميلليون ادامدى قۇرايدى. تۇتاستاي العاندا, بۇل دەموگرافييالىق كٶرٸنٸس بٷكٸل ەلەمدە ەرتٷرلٸ جىلدامدىقپەن جٷرٸپ جاتقان ۇرپاقارالىق ترانزيت پروتسەسٸن جاقسى بەينەلەيدٸ. بۇل جەردە «Y» ۇرپاعى مەن «Z» ۇرپاعى اراسىنداعى شەكارانى انىقتايتىن قۇندىلىقتار مەن دٷنيەتانىمدىق سيپاتتامالاردىڭ اۋىسۋى تۋرالى سٶز بولىپ وتىر. جالپى بٸزدٸڭ ەلەۋمەتتٸك ٶلشەمدەرٸمٸز - «Z» ۇرپاعى, 1995 جىلدان كەيٸن تۋعان جاستار تۋرالى جالپى قابىلدانعان ۇعىمدارمەن ٷيلەسەدٸ«,- دەدٸ مينيستر.
وسى ورايدا دەۋرەن اباەۆ «Z» ۇرپاعىن سيپاتتاپ بەردٸ.
«ولار تسيفرلىق قىزمەتتەردٸ جوعارى دەڭگەيدە تۇتىنادى. ولاردىڭ ەڭبەككە, اقشا مەن بوس ۋاقىتىن ٶتكٸزۋگە دەگەن ۇستانىمدارى قالىپتاسقان دەستٷرلٸ كٶزقاراستاردان ٶزگەشە. مىسالى, ولار جۇمىستى كٶبٸنە ٷيدە ٸستەۋگە بەيٸم, ولار ٷشٸن جۇمىس بەرۋشٸنٸڭ ميسسيياسى مەن قۇندىلىقتارى ٷلكەن ماڭىزعا يە, مۇنداي جاستارىمىز موبيلدٸ جەنە تۇرعىلىقتى جەرٸن جيٸ ٶزگەرتۋگە ەۋەس. شەتەلدٸك ەلەۋمەتتانۋشىلاردىڭ ايتۋىنشا, ابسوليۋتتٸك مەندە بۇل ٶتە كەدەي, بٸراق ەڭ تابىستى ۇرپاق. الدىڭعى بۋىنمەن سالىستىرعاندا ولاردىڭ جىلجىمايتىن مٷلكٸ نەمەسە كٶلٸگٸ جوق, بٸراق ىڭعايلى اپارتامەنتتەردٸ جالعا الىپ تۇرۋعا مٷمكٸندٸكتەرٸ بار, Uber قوسىمشاسىن پايدالانادى, ال قاراجاتىن «قىسىلتاياڭ كەزگە» دەپ كەيٸنگە جيناۋدىڭ ورنىنا, ەلەمدٸ ەمٸن-ەركٸن, ەشقانداي ارنايى تۋريستٸك جولداماسىز ارالاۋدى قالايدى«, - دەدٸ اباەۆ.
