رەسەيدە جۋرناليست يۋريي دۋد ينتەرنەتتە "ەسٸرتكٸنٸ ناسيحاتتادى" دەگەن كٷدٸككە ٸلٸنٸپ وتىر. مەسكەۋدٸڭ زيۋزين اۋداندىق سوتى 10 ماۋسىمدا جۋرناليست ٷستٸنەن ەكٸمشٸلٸك ٸس قوزعالعانىن حابارلادى.
سەۋٸر ايىندا "ليگا بەزوپاسنوگو ينتەرنەتا" (قاۋٸپسٸز ينتەرنەت ليگاسى) ۇيىمىنىڭ ديرەكتورى ەكاتەرينا ميزۋلينا يۋريي دۋدتٸڭ Youtube ارناسىنداعى ۆيدەوعا بايلانىستى پوليتسيياعا ارىز تٷسٸرگەن. ۇيىم ٸشكٸ ٸستەر مينيسترلٸگٸنەن دۋد ارناسىندا جارييالانعان ەكٸ سيۋجەت: رەپەر مورگەنشتەرن جەنە بلوگەر يۆانگايمەن سۇحباتتى تەكسەرٸپ, ولاردىڭ ەسٸرتكٸنٸ ناسيحاتتايتىنى-ناسيحاتتامايتىنىن انىقتاۋدى سۇراعان.
"قاۋٸپسٸز ينتەرنەت ليگاسى" وسى ٸستٸ تەرگەگەن ەسٸرتكٸ اينالىمىن باقىلاۋ جٶنٸندەگٸ باسقارمانىڭ پرينتسيپشٸل, ادال ۇستانىمىن اتاپ ٶتكٸسٸ كەلەدٸ. پوليتسييا قىزمەتكەرلەرٸنە قاتتى قىسىم جاسالدى, بٸراق سوعان قاراماستان وبەكتيۆتٸ تەرگەۋ جٷرگٸزٸلدٸ جەنە ٸس سوتقا جەتتٸ" دەلٸنگەن ميزۋلينا حابارلاماسىندا.
پوليتسييا ٶكٸلدەرٸ شاعىم بويىنشا ەكٸمشٸلٸك تەرگەۋ جٷرگٸزە باستاعانىن حابارلادى, بٸراق كٸمنٸڭ ٷستٸنەن حاتتاما تولتىرعانىن ناقتىلامادى.
يۋريي دۋدتٸڭ ارناسىنا 9 ملن-نان استام ادام جازىلعان. يۆانگاي جەنە مورگەنشتەرنمەن سۇحبات 46 ملن رەت كٶرٸلگەن.
