Reseide jýrnalist Iýrii Dýd internette "esirtkini nasihattady" degen kúdikke ilinip otyr. Máskeýdiń Ziýzin aýdandyq soty 10 maýsymda jýrnalist ústinen ákimshilik is qozǵalǵanyn habarlady.
Sáýir aiynda "Liga bezopasnogo interneta" (Qaýipsiz internet ligasy) uiymynyń direktory Ekaterina Mizýlina Iýrii Dýdtiń Youtube arnasyndaǵy videoǵa bailanysty politsiiaǵa aryz túsirgen. Uiym ishki ister ministrliginen Dýd arnasynda jariialanǵan eki siýjet: reper Morgenshtern jáne bloger Ivangaimen suhbatty tekserip, olardyń esirtkini nasihattaityny-nasihattamaitynyn anyqtaýdy suraǵan.
"Qaýipsiz internet ligasy" osy isti tergegen Esirtki ainalymyn baqylaý jónindegi basqarmanyń printsipshil, adal ustanymyn atap ótkisi keledi. Politsiia qyzmetkerlerine qatty qysym jasaldy, biraq soǵan qaramastan obektivti tergeý júrgizildi jáne is sotqa jetti" delingen Mizýlina habarlamasynda.
Politsiia ókilderi shaǵym boiynsha ákimshilik tergeý júrgize bastaǵanyn habarlady, biraq kimniń ústinen hattama toltyrǵanyn naqtylamady.
Iýrii Dýdtiń arnasyna 9 mln-nan astam adam jazylǵan. Ivangai jáne Morgenshternmen suhbat 46 mln ret kórilgen.
