مەدەنيەت جەنە سپورت مينيسترٸ اقتوتى رايىمقۇلوۆا ابايدىڭ 175 جىلدىعىن اتاپ ٶتۋدە ىسىراپشىلدىققا جول بەرٸلمەيتٸنٸن مەلٸمدەدٸ, دەپ حابارلايدى قازاقپارات.
«وسى جىلى بٸز حالقىمىزدىڭ كٶرنەكتٸ اقىنى جەنە ويشىلى اباي قۇنانبايۇلىنىڭ مەرەيتويىن اتاپ ٶتۋدەمٸز. اباي فيلوسوفيياسى بٸزدٸڭ مەدەني جەنە ۇلتتىق بٸرەگەيلٸگٸمٸزدٸڭ اجىراماس بٶلٸگٸنە اينالدى. 21 قاڭتاردا «استانا وپەرا» تەاترىندا ۇلى ابايدىڭ مەرەيتويىن رەسمي تٷردە اشۋ رەسٸمٸ ٶتتٸ. پرەزيدەنتٸمٸز قاسىم-جومارت كەمەلۇلى توقاەۆتىڭ «اباي جەنە ححٸ عاسىرداعى قازاقستان» ماقالاسىندا ەڭ باستى ماقسات – توي تويلاۋ ەمەس, وي تولعاۋ, وي ٶرٸسٸمٸزدٸ كەڭەيتۋ ەكەنٸنە زور مەن بەرٸپ وتىرعانىن بٸلەسٸزدەر. بەكٸتٸلگەن جالپى رەسپۋبليكالىق جوسپاردىڭ بارلىق ٸس-شارالارى يدەولوگييالىق جەنە اعارتۋشىلىق جٷكتەمەنٸ كٶتەرەدٸ», - دەدٸ اقتوتى رايىمقۇلوۆا وكق الاڭى ارقىلى ونلاين رەجيمدە حالىق الدىندا ەسەپ بەرۋ كەزدەسۋٸندە.
مينيستر مەملەكەت باسشىسى اتاپ ٶتكەندەي, مەرەيتويدىڭ كٷن تەرتٸبٸ تۇجىرىمدامالىق تۇرعىدان ەلدە جەنە شەتەلدە اباي تۇلعاسىنىڭ جاھاندىق اۋقىمىن كەڭٸنەن تانىمال ەتۋگە ارنالعان يدەولوگييالىق-مازمۇندى جەنە ساپالى ٸس-شارالاردى ٶتكٸزۋگە نەگٸزدەلەتٸنٸن ايتىپ ٶتتٸ.
«بۇل رەتتە بيىل اتاپ ٶتٸلەتٸن ماڭىزدى ٸس-شارالار بارىسىندا ىسىراپشىلدىق پەن ناۋقانشىلدىققا جول بەرٸلمەيتٸندٸگٸنە باسا نازار اۋدارعىم كەلەدٸ. بٷگٸنگٸ كٷنٸ ابايدىڭ مۇراجاي-ٷيٸندە, جيدەبايداعى «اباي-شەكەرٸم» مەموريالدىق كەشەنٸندە عىلىمي-رەستاۆراتسييالاۋ جۇمىستارى جٷرگٸزٸلۋدە. ابايدىڭ «جيدەباي-بٶرٸلٸ» مۋزەي-قورىعىن تولىققاندى عىلىمي-زەرتتەۋ ورتالىعى ەتٸپ قايتا قۇرۋ تۇجىرىمداماسى ەزٸرلەندٸ. جالپى, شىعىس قازاقستان وبلىسىنداعى 18 نىساندا جۇمىستار جٷرگٸزٸلۋدە», - دەدٸ ول.
اقتوتى رايىمقۇلوۆا ٶز سٶزٸندە اباي شىعارماشىلىعىن ناسيحاتتاۋ ماقساتىندا ەلدە جەنە شەتەلدە ونىڭ ەڭبەكتەرٸ ەلەمنٸڭ 8 شەت تٸلٸنە اۋدارىلىپ, باسىلىپ شىعارىلاتىنىن اتاپ ٶتتٸ.
«پراگادا ابايدىڭ مەدەني-اقپاراتتىق ورتالىعى اشىلدى. براتيسلاۆا, بۋداپەشت, بەرلين قالالارىندا «اباي وقۋلارى», كٶرمەلەر, دٶڭگەلەك ٷستەلدەر ۇيىمداستىرىلدى. نۇر-سۇلتان قالاسىنداعى ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ بازاسىندا «اباي اكادەميياسى» عىلىمي-زەرتتەۋ ينستيتۋتى قۇرىلدى. مەرەيتويدىڭ نەگٸزگٸ شارالارىن قىركٷيەك ايىندا شىعىس قازاقستان وبلىسىندا ٶتكٸزۋ جوسپرالانىپ وتىر. قازان ايىندا پاريجدەگٸ يۋنەسكو-نىڭ شتاب-پەتەرٸندە اباي مەرەيتويىنىڭ حالىقارالىق تۇساۋكەسەرٸ ٶتەدٸ», - دەدٸ اقتوتى رايىمقۇلوۆا.
