قازاقستاندىق تەننيسشٸ, ەلەمنٸڭ 32-راكەتكاسى يۋلييا پۋتينتسەۆا بۋداپەشت WTA 250 تۋرنيرٸنٸڭ جارتىلاي فينالىنا شىقتى, دەپ حابارلايدى قازاقپارات.
وسى جارىستىڭ ٷشٸنشٸ راكەتكاسى بولىپ تٸركەلگەن قازاقستاندىق تەننيسشٸ شيرەك فينالدا دٷنيەجٷزٸلٸك رەيتينگٸدە 97-ورىندا تۇرعان ۋكراينالىق لەسيا تسۋرەنكومەن شەبەرلٸك بايقاستى.
قازاقستاندىق تەننيسشٸ بٸرٸنشٸ پارتييادا قارسىلاسىنا دەس بەرمەدٸ – 6:0.
ەكٸنشٸ سەتتە دە 2:0 ەسەبٸمەن العا شىقتى. بۇدان كەيٸن ل. تسۋرەنكو ماتچتى جالعاستىرۋدان باس تارتتى.
يۋ. پۋتينتسەۆا سونىڭ ٶزٸندە 5 برەيك-پوينتتىڭ تٶرتەۋٸن پايدالانا بٸلدٸ.
يۋلييا فينالعا شىعۋ ٷشٸن ەلەمنٸڭ 105-راكەتكاسى, سەربييالىق الەكساندرا كرۋنيچپەن تالاسادى. ول رەيتينگٸدە 102-ساتىداعى قىتايلىق سيۋ ۆاندى ويسىراتا ۇتتى – 6:0, 6:1.
