بەيجٸڭ وليمپياداسىندا فريستايل-موگۋلدان ەيەلدەر اراسىنداعى ەكٸنشٸ فينال اياقتالدى, - دەپ حابارلايدى "ۇلت اقپارات" Olympic.kz سايتىنا سٸلتەمە جاساپ.
اتالعان سىنعا قازاقستان كومانداسىنىڭ ٷزدٸگٸ يۋلييا گالىشەۆا دا قاتىسقان. ٶكٸنٸشكە قاراي, ول جارىس جولىندا قاتە جٸبەرٸپ, قورىتىندى ەسەپتە نەگٸزگٸ فينالدان تىس قالدى.
ول 49,74 ۇپايمەن بيىلعى وليمپيادا ويىندارىندا 11-شٸ ورىن الدى.
ايتا كەتەلٸك, بٷگٸن ەلەم ٷزدٸكتەرٸنٸڭ بٸرقاتارى جارىس جولىندا قۇلاپ قالدى. 2014 جىلعى وليمپيادا چەمپيونى, 2018 جىلعى پحەنچحان ويىندارىنىڭ كٷمٸس جٷلدەگەرٸ جيۋستين ديۋفۋر-لاپۋانت تا بەيجٸڭ دوداسىن جٷلدەسٸز اياقتادى.
ەسكە سالايىق, 2018 جىلعى قىسقى ويىنداردا يۋلييا گالىشەۆا قولا جٷلدەگەر اتانعان بولاتىن.
