قىرعىزستاندا قازاقستاندىق جەڭٸل اتلەتيكا جاتتىقتىرۋشىسىن كٶلٸك قاعىپ ٶلتٸردٸ, - دەپ حابارلايدى Tengrinews.kz اگەنتتٸگٸ Kaktus.media پورتالىنا سٸلتەمە جاساپ.
باسىلىم مەلٸمەتٸنشە, 16 شٸلدەدە ىستىقكٶلدەگٸ بۇلان-سٶگەتٸ (كومسومول) اۋىلىندا جەڭٸل اتلەتيكادان جاتتىقتىرۋشى مۇرات جٷزگەنباەۆتى كٶلٸك قاعىپ كەتكەن. وقيعا كۋەگەرلەرٸنٸڭ ايتۋىنشا, ەر ادام وقۋشىسى جٷگٸرٸپ جٷرگەن كەزدە ۆەلوسيپەدپەن قاسىندا كەلە جاتقان. قىز امان-ساۋ.
ىستىقكٶل وبلىستىق ٸٸب باسپاسٶز قىزمەتٸ ٶكٸلٸ جول اپاتى تاڭعى ساعات 7.40 شاماسىندا بولعانىن ايتتى. كەزەكشٸ بٶلٸمگە بۇلان-سٶگەتٸ جەنە بٶستەرٸ اۋىلدارى اراسىندا جول-كٶلٸك وقيعاسى بولعانى تۋرالى حابارلاما كەلٸپ تٷسكەن.
"وقيعا ورنىنا شىققان جەدەل-تەرگەۋ توبى بٸشكەكتٸڭ 41 جاستاعى تۇرعىنى ۋ.ا. Lexus-330 اۆتوكٶلٸگٸمەن شىعىستان باتىسقا قاراي, بالىقشى-انانەۆو-قاراكٶل تاسجولىنىڭ 97-شاقىرىمىندا گريگورەۆكا اۋىلىنىڭ 40 جاستاعى تۇرعىنى پ.ي. تٸزگٸندەگەن Nissan Micra اۆتوكٶلٸگٸمەن سوقتىعىسقانىن انىقتادى. وسىدان كەيٸن جول جيەگٸندە كەلە جاتقان 58 جاستاعى مۇرات جٷزگەنباەۆتى قاعىپ كەتكەن. سالدارىنان قازاقستان ازاماتى وقيعا ورنىندا كٶز جۇمدى", - دەدٸ ايماق پوليتسەيلەرٸ.
بۇل دەرەك ىستىقكٶل اۋدانىنىڭ ٸشكٸ ٸستەر باسقارماسىندا تٸركەلگەن. بارلىق جينالعان ماتەريال تەرگەۋگە جٸبەرٸلگەن.
ايتا كەتەيٸك, مۇرات جٷزگەنباەۆ الماتى وبلىسىندا جەڭٸل اتلەتيكادان اعا جاتتىقتىرۋشى بولعان.
