جەلٸدە قازاقستاندىق ٷش قىزدىڭ ىستانبۇلداعى مەيرامحانالاردىڭ بٸرٸندە تٶبەلەس ورتاسىندا جٷرگەن ۆيدەوسى تارادى, دەپ حابارلايدى Sputnik.
ۆيدەودا بٸرنەشە ەر ادامدىڭ قىزدىڭ شاشىنان سٷيرەپ, سىرتقا شىعارىپ جاتقانى تٷسٸرٸلگەن. تٷرٸك باسىلىمدارىنىڭ حابارلاۋىنشا, كەيٸن قازاقستاندىق بويجەتكەن قاماۋعا الىندى.
تٷركييانىڭ Milliyet باسىلىمىنىڭ حابارلاۋىنشا, وقيعا بولعان كٷنٸ قازاقستاندىق قىز بەن ونىڭ ادۆوكاتى رەسمي مەلٸمدەمە جاسادى. بويجەتكەننٸڭ سٶزٸنشە, ول قۇربىسى ۇلبولسىن مالعاجاروۆامەن بٸرگە ول جەرگە كٶڭٸل كٶتەرۋ ٷشٸن بارعان. الايدا ولاردى جەڭٸل جٷرٸستٸ قىز دەپ ويلاعان مەيرامحانا قىزمەتكەرٸ قىزداردىڭ تەلەفون نٶمٸرٸن سۇراعان. الايدا قىزدار نٶمٸرٸن بەرۋدەن باس تارتقان.
"ول قۇربىمنىڭ باسىنان ۇرىپ, سودان كەيٸن ٸشكە الىپ كەتٸپ, ۇرىپ-سوعا باستادى. مەن پوليتسييانىڭ نٶمٸرٸن تەرٸپ, ولارعا تەلەفونىمدى كٶرسەتتٸم. سودان كەيٸن ولار مەنٸ دە ۇرا باستادى. قۇربىمنىڭ شاشىنان تارتتى, ەكٸنشٸسٸ اۋزىن اشۋعا تىرىستى, سودان كەيٸن قۇربىم امالسىز ونىڭ قولىن تٸستەپ الدى", - دەيدٸ بويجەتكەن.
سودان كەيٸن تٷركييادا اسپاز بولىپ جۇمىس ٸستەيتٸن ۇلبولسىن مالعاجاروۆانى پوليتسييا الىپ كەتٸپ, قاماعان. ونىڭ ادۆوكاتى نەبيكان ورحان سوتقا اقپارات پەن ۆيدەونى جيناپ, قاماۋدان بوساتۋدى سۇرادى.
"كليەنتٸم قاماۋدا وتىر. ولار 3-4 رەت تەلەفون سۇراعان, سوعان بايلانىستى جانجال شىققان. دەرەتحاناعا بارا جاتقاندا تاعى دا نٶمٸرٸن سۇراعان. قىز سول كەزدە شاعىم تٷسٸرەمٸن دەپ تەلەفونىن شىعارعان, ول تەلەفونىن تارتىپ العان. ۆيدەودا بٸر ەر ادامنىڭ مەنٸڭ كليەنتٸمنٸڭ شاشىنان ۇستاپ تۇرعانى, ال ەكٸنشٸ كٷزەتشٸ ەكٸ قولىن اۋزىنا سالعانى تٷسٸرٸلگەن. قازٸر قاماۋدا وتىرعانىنا بايلانىستى شاعىم تٷسٸردٸك, مٷمكٸندٸك بولا سالىسىمەن بوساتادى دەپ ٷمٸتتەنەمٸز", - دەدٸ اۆدوكات نەبيكان ورحان.
ال قازاقستاننىڭ تٷركيياداعى تٶتەنشە جەنە ٶكٸلەتتٸ ەلشٸسٸ ابزال ساپاربەكۇلى جاعدايعا بايلانىستى پٸكٸر بٸلدٸردٸ. ونىڭ سٶزٸنشە, مەسەلە بويىنشا قازاقستاننىڭ ىستانبۇلداعى باس كونسۋلدىعى اينالىسىپ جاتىر.
"بٸزگە ازاماتتارىمىزدان شاعىم تٷسپەسە دە, جەبٸر كٶرگەن قىزدارىمىزدى ٸزدەپ تاپتىق. قاماۋداعى ازامات بويىنشا كونسۋلدىق كٶمەك كٶرسەتٸپ جاتىر. ىستانبۇل قالاسى ٸشكٸ ٸستەر باسقارماسى باسشىسى جەنە وقيعا بولعان اۋداندىق ٸشكٸ ٸستەر باسشىسىنا مەسەلەنٸڭ ەدٸل قاراستىرىلۋى بويىنشا تالاپ جەتكٸزٸلدٸ. ازاماتتارىمىزدىڭ قۇقىعىن قورعاۋ جۇمىستارى جٷرگٸزٸلۋدە", - دەپ جازدى ساپاربەكۇلى.
"ەرينە كٸنەسٸ بار-جوق ەكەنٸنە قاراماستان قىز بالاعا مۇنداي زورلىق-زومبىلىق ٷشٸن ٶكٸنٸش بٸلدٸرٸپ جاتقان تٷرٸك اعايىندار دا ٶتە كٶپ. سابىر ساقتاپ, جەكەلەگەن ادامداردىڭ ەرەكەتٸ ٷشٸن بٷكٸل حالىقتى ايىپتاۋدان اۋلاق بولايىق", - دەپ جازدى قازاقستاننىڭ تٷركيياداعى ەلشٸسٸ.
