قازاق تٸلٸندە تٷسٸرٸلگەن مۋلتفيلمدەردٸ YouTube ارناسىنا كٶبٸرەك جارييالاۋ قاجەت. بۇل تۋرالى قازاقستاننىڭ انيماتسييالىق كينوستۋدييالارى قاۋىمداستىعىنىڭ تٶراعاسى جەنٸبەك ورازالى قازاقپارات تٸلشٸسٸنە ايتتى.
«بٸزدە بٸلٸكتٸ ماماندار بار. ەندٸ قارجىلاندىرۋ تيٸستٸ دەڭگەيدە بولسا, جىلىنا 2 تولىقمەتراجدى, 10 قىسقامەتراجدى مۋلتفيلم شىعارۋ مٷمكٸندٸگٸ جاسالادى. بۇل تۇرعىدا «Balapan» ارناسىندا ٶندٸرٸلەتٸن ٶنٸمدەردٸ قوسىپ وتىرعان جوقپىن. ال «Balapan» تەلەارناسىندا جىلىنا ٶز الدىنا 200-300 مينۋتتىق انيماتسييالىق فيلمدەر جاساۋعا قاۋقارى بار», - دەدٸ ج. ورازالى.
ونىڭ سٶزٸنە قاراعاندا, بٷگٸندە «Balapan» ارناسىنداعى ساپالى ٶنٸمدەر بالالاردىڭ ەدەۋٸر قىزىعۋشىلىعىن تۋدىرىپ كەلەدٸ.
«جالپى, بالالارعا ەكراندا كٶرسەتٸلەتٸن فيلمدەر ٶزٸندٸك ەسەرٸن تيگٸزەتٸنٸ بەلگٸلٸ. سوندىقتان «Balapan» ارناسىندا كٶرسەتٸلەتٸن انيماتسييالىق فيلمدەر سانىن جىل سايىن ارتتىرعان دۇرىس. جاسىرىن ەمەس, بٷگٸندە بالالار «YouTube» كانالىنداعى مۋلتفيلمدەردٸ كٶپ تاماشالايدى. سوندىقتان قازاق كٶرەرمەندەردٸ جوعالتپايمىز دەسەك, قازاق تٸلٸندە تٷسٸرٸلگەن ساپالى ٶنٸمدەردٸ «YouTube» كانالىنا كٶبٸرەك سالعان دۇرىس بولادى. بالالار «YouTube» كانالىنان قازاقشا مۋلتفيلدەردٸ تاپپاعاننان كەيٸن, شەتەلدٸك ٶنٸمدەردٸ ٸزدەي باستايدى», - دەدٸ قاۋىمداستىق تٶراعاسى.
