ىقپالدى ادامدار زاڭسىز ەرەكەتتەرٸن جالعاستىرىپ كەلدٸ. بۇل تۋرالى مەملەكەت باسشىسى قاسىم-جومارت توقاەۆ قازاقستان حالقىنا جولداۋى بارىسىندا مەلٸم ەتتٸ, دەپ حابارلايدى قازاقپارات.
«قازٸر الدىن الا قورىتىندىلار دايىن. بٸز تەرٸس پيعىلدى ادامداردىڭ مەملەكەتتٸك تٶڭكەرٸس جاساماق بولعانىن ناقتى بٸلەمٸز. وسى رەتتە, بٷلٸكشٸلەر نە ٷشٸن مۇنداي قادامعا باردى دەگەن سۇراق تۋىندايدى. جاۋابى – ايدان انىق. سوڭعى جىلدارى بٸز قازاقستاندى تٷبەگەيلٸ جاڭعىرتۋعا, ترانسفورماتسييالاۋعا كٶشتٸك. تٷرلٸ سالادا اۋقىمدى ٶزگەرٸستەر باستالدى. بۇل كەيبٸر ىقپالدى ادامدارعا ۇنامادى. ولار جىلدار بويعى زاڭسىز ەرەكەتتەرٸن ودان ەرٸ جالعاستىرا بەرۋدٸ كٶزدەدٸ. نەعۇرلىم جوعارى بيلٸككە يە بولۋدى كٶكسەدٸ. سول ٷشٸن كەنٸگٸ قىلمىسكەرلەر, قارۋلى باندىلار مەن وپاسىز شەنەۋنٸكتەر بٸرٸگٸپ, استىرتىن توپ قۇردى», - دەدٸ پرەزيدەنت.
وسى ورايدا مەملەكەت باسشىسى ٸشكٸ جەنە سىرتقى جاۋلار ٶزارا ىمىرالاسىپ, بيلٸكتٸ باسىپ العىسى كەلگەنٸن اتاپ ٶتتٸ.
«ولار حالىقتىڭ نارازىلىق شەرۋٸن باسقا ارناعا بۇرىپ, جۇرتتى قاساقانا ارانداتتى. لاڭكەستەر مەملەكەتتٸك ورگاندارعا, ستراتەگييالىق نىساندار مەن بيزنەسكە تيەسٸلٸ عيماراتتارعا شابۋىل جاسادى. بيلٸككە كٷيە جاعۋ ٷشٸن بەيبٸت تۇرعىندارعا وق اتتى», - دەدٸ قاسىم-جومارت توقاەۆ.
