ورتا سالماقتا قازاقستاندىق بوكسشى مەيٸرٸم نۇرسۇلتانوۆتىڭ (13-0, 8 كو) كەلەسٸ جەكپە-جەگٸ ٶتەتٸن كٷن انىقتالدى, دەپ حابارلايدى Sports.kz سايتى.
BoxRec.com مەلٸمەتٸ بويىنشا وتانداسىمىز 5 جەلتوقساندا ەكاتەرينبۋرگتە رينگكە شىعادى. ول RCC Boxing Promotions تۋرنيرٸ اياسىندا ٶنەر كٶرسەتەدٸ. ونىڭ قارسىلاسى رەسەيلٸك بوكسشى يليا بالاندين (4-3-1, 2 كو) بولماق. ورتا سالماق ساناتىنداعى ايقاس سەگٸز راۋندقا ەسەپتەلگەن.
نۇرسۇلتانوۆتىڭ سوڭعى جەكپە-جەگٸ ٶتكەن جىلدىڭ 2 قاراشاسىندا لاس-ۆەگاستا (نەۆادا شتاتى, اقش) ٶتكەن بولاتىن. وندا ول تٶرەشٸلەردٸڭ شەشٸمٸمەن بٸراۋىزدان مەكسيكالىق بوكسشى كريستيان وليۆاستى (19-6, 16 كو) جەڭٸپ, ورتا سالماقتا WBC (USNBC) نۇسقاسى بويىنشا اقش چەمپيونى تيتۋلىن يەمدەندٸ.
