بٷكٸلەلەمدٸك بوكس كەڭەسٸنٸڭ پرەزيدەنتٸ ماۋريسيو سۋلەيمان قازاقستاندىق گەنناديي گولوۆكين مەن WBC چەمپيوندىق بەلدٸگٸنٸڭ ۋاقىتشا يەگەرٸ امەريكالىق دجەرماللوم چارلو اراسىنداعى جەكپە-جەك تۋرالى تٷسٸندٸردٸ, دەپ حابارلايدى "ۇلت اقپارات" Vesti.kz پورتالىنا سٸلتەمە جاساپ.
مۇنداي شەشٸم كيەۆتە ٶتٸپ جاتقان WBC كونۆەنتسيياسىندا قابىلدانعان. گولوۆكين – چارلو جەكپە-جەگٸنٸڭ جەڭٸمپازى مەكسيكالىق ساۋل "كانەلو" الۆارەسپەن شىعۋعا مٸندەتتٸ ٷمٸتكەر اتانادى.
چارلو WBC بويىنشا سەۋٸر ايىندا مٸندەتتٸ ٷمٸتكەر قۇقىعىن جەڭٸپ العان. ەندٸگٸ كەزەكتە اتالعان ۇيىم "كانەلو" تولىققاندى چەمپيون بولعاندىقتان, وعان الدىمەن گولوۆكينمەن كەزدەسۋ كەرەك دەپ شەشكەن.
GGG بۇعان دەيٸن "كانەلومەن» ەكٸ رەت كەزدەسٸپ, بٸر رەتتە جەڭە المادى. ولاردىڭ بٸرٸنشٸ جەكپە-جەگٸ تەڭ اياقتالىپ, ەكٸنشٸسٸندە جەڭٸستٸ مەكسيكالىق تويلاعان بولاتىن. گولوۆكين ٷشٸن بۇل جەڭٸلٸس مانسابىنداعى العاشقىسى بولىپ وتىر ەرٸ ول WBC, WBA (Super) جەنە IBO تيتۋلدارىنان ايىرىلدى.
«بەرٸ بولۋى مٷمكٸن. گولوۆكين مەن "كانەلونىڭ" ٷشٸنشٸ جەكپە-جەگٸ بارلىق جاعىنان قىزىقتى بولار ەدٸ. دەگەنٸمەن چارلو دا جۇدىرىقتاسۋ قۇقىعىنا يە. مەنٸڭ ويىمشا, بۇل ٷش تاراپتىڭ بارلىعى ٷشٸن ەدٸل شەشٸم», - دەيدٸ سۋلەيمان.
سونداي-اق WBC "كانەلوعا" تيتۋلىن ەرٸكتٸ تٷردە قورعاۋعا رۇقسات بەردٸ. مەكسيكالىق 15 جەلتوقسان كٷنٸ رينگكە قايتا شىقپاق. ونىڭ باستى قارسىلاسى رەتٸندە كانادالىق ەكس-چەمپيون داۆيد لەمە اتالۋدا.
ال قازاقستاندىق گولوۆكينگە كەلسەك "كانەلومەن" بولعان جەكپە-جەك ول ٷشٸن بيىلعى سوڭعى كەزدەسۋ. ول رينگكە 2019 جىلدىڭ كٶكتەمٸندە شىعىپ قالۋى مٷمكٸن.
