«ۆوستوچكا» تۇرعىن-ٷي كەشەنٸندە جەلتوقسان ايىندا قۇرىلىس جۇمىستارى باستالادى. بۇل تۋرالى «Samruk-Kazyna Construction» اق باسشىلىعىنىڭ كەشەن تۇرعىندارىمەن كەزدەسۋٸ كەزٸندە بەلگٸلٸ بولدى. «Samruk-Kazyna Construction» اق تۇرعىن كەشەننٸڭ 16 ٷيٸنٸڭ قۇرىلىسىن اياقتاۋعا 7,1 ملرد. تەڭگە كٶلەمٸندە قارجى تارتادى.
كەشەن جاڭا سالۋشىعا تاپسىرىلدى. ساتىپ الۋشىلار ٷشٸن شارتتار مەن باعالار بۇرىنعىداي قالادى.
ايتا كەتكەن جٶن, ينۆەستور «Samruk-Kazyna Construction» اق مەن قۇرىلىس سالۋشى «Baur Development Group» جشس اراسىندا 2016 جىلدىڭ قىركٷيەك ايىندا الماتى قالاسىندا «ۆوستوچكا» تك وبەكتٸسٸن سالۋعا ينۆەستيتسييا قۇيۋ تۋرالى شارت جاسالدى.
الايدا, قۇرىلىس تۇرالاپ قالعان. نىسان پايدالانۋعا 2019 جىلدىڭ ناۋرىز ايىندا بەرٸلەدٸ دەپ جوسپارلانعان. بٸراق, قۇرىلىس سالۋشى شارت بويىنشا مٸندەتتەمەلەردٸ ۋاقىتىلى ورىنداماعان, جوسپارلانعان ۋاقىتقا قۇرىلىستىڭ بٸتپەۋ كاۋپٸ تۋىندادى, وسىعان بايلانىستى كەلٸسٸم-شارت بۇزىلدى. 2019 جىلدىڭ 17 شٸلدەسٸندە «Samruk-Kazyna Construction» اق Berkut Development جشس-مەن اياقتالماعان قۇرىلىس وبەكتٸسٸن تاپسىرۋ تۋرالى شارت جاساستى. 16 ٷيدە 1008 پەتەر بار, ونىڭ ٸشٸندە قازٸرگٸ ۋاقىتتا الدىن الا ساتۋ شارتتارى بويىنشا 477 پەتەر ساتىلدى. ساتىپ الۋشىلاردىڭ اقشالاي قاراجاتى ەكستروۋ-شوتتاردا ساقتالادى.
«بٸز الماتى قالاسىنىڭ ەكٸمدٸگٸمەن جەنە قۇرىلىس سالۋشىىمەن مەموراندۋمعا قول قويدىق. جەلتوقسان ايىنىڭ ورتاسىنا دەيٸن قارجىلاندىرۋدى اشۋدى جوسپارلاپ وتىرمىز. جاڭا شارتتارعا سەيكەس كەستە قۇردىق جەنە 9 اي ٸشٸندە قۇرىلىستى تولىعىمەن اياقتايمىز», «Samruk-Kazyna Construction» اق باسقارما تٶراعاسىنىڭ بٸرٸنشٸ ورىنباسارى ارمان جەتپٸسباي.
وبەكتٸلەر كەزەڭ-كەزەڭمەن تاپسىرىلاتىن بولادى: 5 اي ٸشٸندە 4 ٷي, تاعى 7 ٷيدٸ 7 اي ٸشٸندە, قالعان 3 ٷي 9 اي ٸشٸندە تۇرعىزىلماق. ياعني, ٷيلەردٸڭ باسىم بٶلٸگٸ مامىر ايىندا, ماۋسىم-شٸلدە ايلارىندا پايدالانۋعا بەرٸلەدٸ. اق باساشىلىعى بارلىق ساتىپ الۋشىلار باستاپقىدا جاسالعان شارتتارمەن ٷي الاتىنىن ايتتى. ٶز كەزەگٸندە جاڭا سالۋشى قۇرىلىس جۇمىستارىنا كٸرٸستٸ.
«بٸز 16 ٷيدٸ, سىرتقى جەنە ٸشكٸ الاڭداعى بارلىق كەشەندٸ, جەلٸ مەن ابباتتاندىرۋدى اياقتايمىز. كەيبٸر ٷي بٶلٸكتەرٸن: ەرلەۋ جەنە ٸشكٸ جۇمىستارىن, سونداي-اق بٶلمە قۇرىلىسى جۇمىستارىن بٸز ٶز قارجىمىزعا سالۋدى باستاپ كەتتٸك» ,- دەدٸ Berkut Development ديرەكتورى مادييار بۋحتارباەۆ.
قالا ەكٸمدٸگٸ «ۆوستوچكا» تك-دە سىرتقى سۋ قۇبىرى جەلٸسٸن, كەرٸز, ەلەكترمەن جابدىقتاۋ جەنە قازاندىق سالۋعا ۋەدە بەردٸ. ولار ٶز جۇمىستارىن جەلتوقسان ايىنىڭ سوڭىنا دەيٸن اياقتاۋعا ۋەدە بەردٸ.
ۇلت پورتالى
