قاراعاندى جەنە قارقارالى ەرٸكتٸلەرٸ «ٶز ەلٸمدە ٸز قالدىرماي Sayahattime» ەكواكتسيياسىن قولدادى. ولاردىڭ كٷشٸمەن قارقارالى مەملەكەتتٸك ۇلتتىق تابيعي پاركٸندە ورنالاسقان ٷش ٷڭگٸردەگٸ «وسىندا ساشا بولدى» سەكٸلدٸ جارتاستاعى جازۋلار جويىلدى, دەپ حابارلايدى "ۇلت اقپارات".
تانىمال تۋريستٸك مارشرۋتتار بويىنداعى جازۋلار مەن سۋرەتتەردٸ تازارتۋ باستاماسى Kazakh Tourism ۇلتتىق كومپانيياسىنا تيەسٸلٸ جەنە ونى Jana Dunie قايىرىمدىلىق قورى قولدادى. ال قارقارالى ەرٸكتٸلەرٸ قاراعاندىلىق بەلسەندٸلەرمەن بٸرگە Kazakh Tourism كومپانيياسىنا رەسمي حات جولداپ, جارتاستاعى جازۋلاردى ٶشٸرۋگە قاجەتتٸ جابدىقتارمەن قامتاماسىز ەتۋدٸ سۇرادى.
«قازاقستاندا ەتنوتۋريزم بەلسەندٸ دامۋدا. ادامدار كيەلٸ جەرلەرگە, تابيعي تۋريستٸك باعىتتارعا قىزىعۋشىلىق تانىتادى. ٶكٸنٸشكە وراي, كٶبٸنەسە تابيعاتتا دەمالۋشىلار تەك قوقىستى عانا ەمەس, سونىمەن قاتار جارتاستاردا جازۋلاردى دا قالدىرادى. جارتاستار - بٸزدٸڭ دالامىزدىڭ ٸنجۋ-مارجانى جەنە ولار اقىل-ويى تاياز ادامداردىڭ «شىعارماشىلىعىنان» زارداپ شەگەدٸ. جازۋلار پەيزاجدى بۇزادى جەنە تابيعاتتىڭ بٸرەگەي سۇلۋلىعىن قۇرتادى»,– دەپ اتاپ ٶتتٸ ۆولونتەر جەنە قارقارالى اۋداندىق مەسليحاتىنىڭ دەپۋتاتى دەۋرەن راحىمبەك.
ەرٸكتٸلەر جازبالاردى ارنايى حيمييالىق ەرٸتٸندٸمەن تازارتتى. كەيبٸر جەرلەردە ولار گاز قىزدىرعىشتارىن قولدانۋعا مەجبٷر بولدى. جاستار العا قويىلعان مٸندەتتٸ ورىنداپ, ەندٸ ٷش ٷڭگٸردٸڭ قابىرعالارى العاشقى كەلبەتٸنە يە بولدى.
جازۋلاردى جويۋدان باسقا, اكتسيياعا قاتىسۋشىلار سەنبٸلٸك تە ٶتكٸزدٸ.
«جازۋلاردى جويۋ بويىنشا وسىنداي اكتسييالار ٶز جالعاسىن تابادى. بٸز وبلىس تۇرعىندارى مەن قارقارالى مەملەكەتتٸك ۇلتتىق تابيعي پاركٸنٸڭ قوناقتارىن تابيعاتتى قورعاۋعا شاقىرعىمىز كەلەدٸ. سونداي-اق بولاشاقتا بٸز ۇلتتىق پاركتە تابيعاتتى قورعاۋعا شاقىراتىن تاقتايشالار ورناتۋدى جوسپارلاپ وتىرمىز, سەبەبٸ بٸز جەرٸمٸزدٸ ۇرپاقتارىمىزعا باستاپقى كٷيٸندە ساقتاپ, بەرۋگە مٸندەتتٸمٸز», – دەپ تولىقتىردى ۆولونتەر جاناراي ساناقباي.
