Qaraǵandy jáne Qarqaraly eriktileri «Óz elimde iz qaldyrmai Sayahattime» ekoaktsiiasyn qoldady. Olardyń kúshimen Qarqaraly memlekettik ulttyq tabiǵi parkinde ornalasqan Úsh úńgirdegi «Osynda Sasha boldy» sekildi jartastaǵy jazýlar joiyldy, dep habarlaidy "Ult aqparat".
Tanymal týristik marshrýttar boiyndaǵy jazýlar men sýretterdi tazartý bastamasy Kazakh Tourism ulttyq kompaniiasyna tiesili jáne ony Jana Dunie qaiyrymdylyq qory qoldady. Al Qarqaraly eriktileri qaraǵandylyq belsendilermen birge Kazakh Tourism kompaniiasyna resmi hat joldap, jartastaǵy jazýlardy óshirýge qajetti jabdyqtarmen qamtamasyz etýdi surady.
«Qazaqstanda etnotýrizm belsendi damýda. Adamdar kieli jerlerge, tabiǵi týristik baǵyttarǵa qyzyǵýshylyq tanytady. Ókinishke orai, kóbinese tabiǵatta demalýshylar tek qoqysty ǵana emes, sonymen qatar jartastarda jazýlardy da qaldyrady. Jartastar - bizdiń dalamyzdyń injý-marjany jáne olar aqyl-oiy taiaz adamdardyń «shyǵarmashylyǵynan» zardap shegedi. Jazýlar peizajdy buzady jáne tabiǵattyń biregei sulýlyǵyn qurtady»,– dep atap ótti volonter jáne Qarqaraly aýdandyq máslihatynyń depýtaty Dáýren Rahymbek.
Eriktiler jazbalardy arnaiy himiialyq eritindimen tazartty. Keibir jerlerde olar gaz qyzdyrǵyshtaryn qoldanýǵa májbúr boldy. Jastar alǵa qoiylǵan mindetti oryndap, endi Úsh úńgirdiń qabyrǵalary alǵashqy kelbetine ie boldy.
Jazýlardy joiýdan basqa, aktsiiaǵa qatysýshylar senbilik te ótkizdi.
«Jazýlardy joiý boiynsha osyndai aktsiialar óz jalǵasyn tabady. Biz oblys turǵyndary men Qarqaraly memlekettik ulttyq tabiǵi parkiniń qonaqtaryn tabiǵatty qorǵaýǵa shaqyrǵymyz keledi. Sondai-aq bolashaqta biz ulttyq parkte tabiǵatty qorǵaýǵa shaqyratyn taqtaishalar ornatýdy josparlap otyrmyz, sebebi biz jerimizdi urpaqtarymyzǵa bastapqy kúiinde saqtap, berýge mindettimiz», – dep tolyqtyrdy volonter Janarai Sanaqbai.
