اتمٶ ەلدەرٸ ۆولونتەرلەردٸ جۇمىلدىرۋدىڭ حالىقارالىق جىلىن جارييالاۋ تۋرالى قازاقستاننىڭ باستاماسىن قولداۋعا شاقىردى, دەپ حابارلايدى "ۇلت اقپارات".
بٷگٸن بانگكوك قالاسىندا (تايلاند) VIII ازييا-تىنىق مۇحيتى فورۋمى اياسىندا «ۆولونتەرلٸك ونجىلدىققا ارنالعان ٸس-قيمىلداردى ترانسفورماتسييالاۋ ستراتەگيياسى رەتٸندە» تاقىرىبىندا پانەلدٸك پٸكٸرتالاس ٶتتٸ.
ٸس-شاراعا ونلاين-فورماتتا ZOOM الاڭىن قوسۋ ارقىلى قازاقستاننىڭ اقپارات جەنە قوعامدىق دامۋ ۆيتسە-مينيسترٸ بولات تٸلەپوۆ قاتىستى.
سٶز سٶيلەۋ بارىسىندا بولات تٸلەپوۆ ۆولونتەرلەردٸڭ ەلٸمٸزدٸڭ قوعامدىق ٶمٸرٸندەگٸ رٶلٸ جەنە قازاقستاندا ەرٸكتٸلەر قوزعالىسىن دامىتۋ ٷشٸن جاسالىپ جاتقان جاعداي تۋرالى ايتىپ بەردٸ.
وسىلايشا, ول قازاقستاندا «ۆولونتەر جىلى» اياسىندا ٶتكەن 2020 جىلدىڭ ٶزٸندە ۆولونتەرلٸك ۇيىمدار مەن توپتاردىڭ سانى 3 ەسە, تۇراقتى ۆولونتەرلەر سانى 4 ەسە, ولاردىڭ سانى 200 مىڭنان استام ادام ٶسكەنٸن حابارلادى.
«پاندەمييامەن كٷرەس كەزەڭٸندە ەرٸكتٸلەر قوزعالىسىنا 1 ميلليونعا جۋىق قازاقستاندىق قوسىلىپ, 1,5 ميلليوننان استام ازاماتتارىمىزعا كٶمەك كٶرسەتٸلدٸ», — دەدٸ ول. سونىمەن قاتار, بولات تٸلەپوۆ قازاقستاننىڭ حالىقارالىق ۆولونتەرلٸكتٸ دامىتۋ بويىنشا جۇمىس جٷرگٸزٸپ جاتقانىن ەرەكشە اتاپ ٶتتٸ.
ىنتالاندىرۋ شارالارىنىڭ بٸرٸ - قازاقستانداعى ۆولونتەر جىلى اياسىندا قۇرىلعان «جىل ەرٸكتٸسٸ» حالىقارالىق سىيلىعى.
ٶتكەن جىلى ونى قازاقستان, رەسەي, قىرعىزستاننان كەلگەن 48 بەلسەندٸ ۆولونتەر الدى. بۇدان باسقا, بٷگٸندە بۇۇ جٷيەسٸندە قازاقستاننان 71 ۆولونتەر قىزمەت ەتەدٸ, ونىڭ ٸشٸندە 42 ەيەل, ونىڭ ٸشٸندە 7 ۆولونتەر قر اقپارات جەنە قوعامدىق دامۋ مينيسترلٸگٸ مەن بعدۇ اراسىنداعى ەرٸپتەستٸك تۋرالى كەلٸسٸم شەڭبەرٸندە بۇۇ-نىڭ تٷرلٸ اگەنتتٸكتەرٸنە جٸبەرٸلگەن.
بولات تٸلەپوۆ قازاقستان بۇۇ با قارارىنىڭ مەتٸنٸنە ۆولونتەرلٸكتٸ 2030 جىلعا دەيٸنگٸ كەزەڭگە ارنالعان تۇراقتى دامۋ سالاسىنداعى كٷن تەرتٸبٸن ٸسكە اسىرۋدىڭ ەمبەباپ قۇرالى دەپ تانۋ تۋرالى تارماقتى ەنگٸزۋگە باستاما جاساعانىن ەسكە سالدى.
ەستەرٸڭٸزگە سالا كەتەيٸك, بۇل قارار بۇۇ-عا مٷشە ەلدەردەن قولداۋ تاۋىپ, 2020 جىلدىڭ جەلتوقسانىندا قابىلدانعان بولاتىن.
«ٶتكەن جىلى قازاقستان پرەزيدەنتٸ ق.توقاەۆ بۇۇ باس اسسامبلەياسىنىڭ 75-شٸ سەسسيياسىندا ەرٸكتٸلەردٸ جۇمىلدىرۋدىڭ حالىقارالىق جىلىن جارييالاۋ تۋرالى باستاما كٶتەرگەن بولاتىن. بٷگٸنگٸ تاڭدا بۇۇ دب-مەن ونى ٸلگەرٸلەتۋ, بۇۇ-نىڭ تيٸستٸ قارارىن دايىنداۋ بويىنشا بٸرلەسكەن جۇمىس جٷرگٸزٸلۋدە. وسىعان بايلانىستى تۇراقتى دامۋ جٶنٸندەگٸ ازييا – تىنىق مۇحيتى فورۋمىنا قاتىسۋشى ەلدەردەن قازاقستاننىڭ باستاماسىن قولداۋدى جەنە «يگٸ ٸستەر« دٷنيەجٷزٸلٸك يدەياسىن ٸسكە اسىرۋدى سۇرايمىز» دەدٸ بولات تٸلەپوۆ.
