تٷركٸستان وبلىسى ەكٸمدٸگٸنٸڭ قولداۋىمەن وبلىس ورتالىعىنداعى «كونگرەسس حولل» كٶپسالالى كەشەنٸدە 19-20 قازان كٷندەرٸ تٷركٸستان وبلىستىق مەدەنيەت باسقارماسى حالىقارالىق «Voice of Turan» قازاق ەندەرٸ بايقاۋىن ٶتكٸزەدٸ. مەدەني-مۋزىكالىق جاڭالىق سانالاتىن بايقاۋ بيىل العاش رەت وفلاين تٷردە ٶتكٸزٸلەدٸ. بۇل تۋرالى بٷگٸن ٶڭٸرلٸك كومۋنيكاتسييا قىزمەتٸندە ٶتكەن بريفينگتە تٷركٸستان وبلىسى مەدەنيەت باسقارماسىنىڭ باسشىسى ەزٸمحان قويلىباەۆ ايتتى.
فەستيۆالگە تٷركييا, ٶزبەكستان, قىرعىزستان, تاتارستان, ەزٸربايجان, پولشا, چەرنوگورييا, بەلارۋس, مولدوۆا, گرۋزييا, سەربييا, قاراشاي-شەركەس رەسپۋبليكاسى, بۋرياتييا, ماكەدونييا, بولگارييا مەملەكەتتەرٸنەن 18-35 جاس ارالىعىنداعى ەسترادالىق جانرداعى ورىنداۋشىلار قاتىسادى.
«بيىلعى بايقاۋدىڭ ەرەكشەلٸگٸ, ازييا ەلدەرٸنەن عانا ەمەس, ەۋروپا مەملەكەتتەرٸنەن دە ەنشٸلەر كەلٸپ قاتىسۋدا. بايقاۋعا قاتىسۋشى شەتەلدٸك ٶنەرپازدار قازٸرگٸ تاڭدا تٷركٸستان ٶڭٸرٸنە كەلٸپ, دايىندىقتارىن جٷرگٸزۋدە. بايقاۋ وسىدان ەكٸ جىل بۇرىن باستاۋ الىپ, كارانتيندٸك شارالارعا بايلانىستى ونلاين تٷردە ٶتتٸ. بايقاۋ قازاق مۋزىكاسى مەن قازاقستاندىق كومپوزيتورلاردىڭ ٷزدٸك شىعارمالارىن, سونداي-اق قازاق ەندەرٸن ەلەمگە ناسيحاتتاۋ, شىعارماشىل دارىندى جاستاردى انىقتاۋ جەنە ولارعا قولداۋ كٶرسەتۋ ماقساتىندا ۇيىمداستىرىلىپ جاتىر», – دەدٸ ەزٸمحان قويلىباەۆ.
حالىقارالىق بايقاۋدا شىعارماشىلىق ينتەلليگەنتسييا ٶكٸلدەرٸ, تانىمال ورىنداۋشىلار, كومپوزيتورلار, پروديۋسەرلەردەن قۇرالعان كەسٸبي قازىلار القاسى تٶرەلٸك ەتەدٸ. جەڭٸمپازدار گران-پري, بٸرٸنشٸ, ەكٸنشٸ جەنە ٷشٸنشٸ دەرەجەلٸ لاۋرەات, سونىمەن قاتار تٷرلٸ نوميناتسييا بويىنشا ارنايى ديپلوممەن جەنە قارجىلاي سىيلىقتارمەن ماراپاتتالادى.
جوبانىڭ باس پروديۋسەرٸ, وبلىستىق مەدەنيەت جەنە حالىق شىعارماشىلىعى ورتالىعىنىڭ ديرەكتورى مەيٸرجان الياكباروۆتىڭ ايتۋىنشا, قاتىسۋشىلاردىڭ بارلىعى ٷلكەن كونتسەرتتٸك قويىلىمداردا تەجٸريبەسٸ بار, رەسپۋبليكالىق, ۇلتتىق, جەنە حالىقارالىق ەن بايقاۋلارىندا جەتٸستٸككە جەتكەن ٷمٸتكەرلەر.
ايتا كەتسەك, بۇعان دەيٸن اتالمىش بايقاۋدا 2020 جىلى مالدوۆا رەسپۋبليكاسىنان گالينا شكودا باس جٷلدەنٸ جەڭٸپ السا, 2021 جىلى بۋرياتييالىق تسىدەن ەشي بيمباەۆ گران-پري يەگەرٸ اتانعان. حالىقارالىق ەن سايىنىڭ نەتيجەسٸندە 4 ەلدٸڭ ٷزدٸك ەنشٸلەرٸنەن قۇرىلعان «Turan Boys» كۆارتەتٸ بٷگٸندە قازاق ەندەرٸن ناسيحاتتاۋدا زور ٷلەس قوسىپ جٷر.
