پرەمەر-مينيستردٸڭ ورىنباسارى ەرالى توعجانوۆ ۆاكتسينا سالدىرۋ مەن پتر-تەست تاپسىرۋ مٸندەتٸ ازاماتتاردىڭ كونستيتۋتسييالىق قۇقىعىن بۇزبايتىنىن مەلٸمدەدٸ, دەپ حابارلايدى "ۇلت اقپارات".
كٷنٸ كەشە كوروناۆيرۋستىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييا قىزمەت كٶرسەتۋ سالاسىندا, ٶنەركەسٸپ كەسٸپورىندارىندا جەنە ٶزگە دە 20 ادامنان اساتىن ۇجىمداردا ۆاكتسينا سالدىرۋ تالابىن ەنگٸزۋدٸ ۇسىندى. ال ەكپەدەن باس تارتقاندار 7 كٷن سايىن پتر-تەست تاپسىرۋعا مٸندەتتٸ بولادى. باس مەملەكەتتٸك سانيتار دەرٸگەردٸڭ قاۋلىسىنان كەيٸن وسى تالاپتار زاڭدى كٷشٸنە ەنەدٸ.
«مٸندەتتٸ ۆاكتسينالاۋ تۋرالى سٸز ۇسىنعان شارالار ٸس جٷزٸندە ۆاكتسينا الماعانداردى كەمسٸتۋشٸلٸككە ەكەپ سوعادى دەگەن پٸكٸر بار. بۇعان نە دەيسٸز? بۇل ۆاكتسينالاۋ پاسپورتتارى مەن پتر-تەست نەتيجەلەرٸن قولدان جاساۋدى ارتتىرادى دەپ ەسەپتەمەيسٸز بە?», - دەپ سۇراق قويدى جۋرناليست قر پرەزيدەنتٸ جانىنداعى ورتالىق كوممۋنيكاتسييالار قىزمەتٸندەگٸ بريفينگٸدە.
وسى ورايدا, ەرالى توعجانوۆ كونستيتۋتسييالىق قۇقىق ەش بۇزىلماعانىن اتاپ ٶتتٸ.
«بٸرٸنشٸ كەزەكتە, كونستيتۋتسييا بويىنشا بٸز ازاماتتارىمىزدىڭ دەنساۋلىعىنىڭ قاۋٸپسٸزدٸگٸن قامتاماسىز ەتۋگە مٸندەتتٸمٸز. سوندىقتان قابىلدانعان مۇنداي شارالار بارلىق ازاماتتارعا ەمەس, قىزمەت كٶرسەتۋ سالاسىنا, كٷن سايىن كٶپتەگەن ازاماتتارمەن بايلانىساتىن ادامدارعا قاتىستى. دەل وسى ساناتتاعى ادامدار كٶرسەتٸلەتٸن قىزمەتكە كەلەتٸن ازاماتتارىمىزعا ٷلكەن قاۋٸپ تٶندٸرۋٸ مٷمكٸن. بٸر جاعىنان – جۇمىستى توقتاتپاۋ «اتامەكەننٸڭ», كەسٸپكەرلەردٸڭ ٶتٸنٸشٸ ەدٸ, بٸز قول ۇشىن سوزدىق. سوندىقتان وسىنداي شەشٸم قابىلداندى», - دەدٸ توعجانوۆ.
ەرالى توعجانوۆ مەديتسينالىق قارسى كٶرسەتٸلٸمدەردٸ قوسپاعاندا, ادامدارعا تاڭداۋ ەركٸندٸگٸ بەرٸلەتٸنٸن ايتتى.
«مەن ٶزٸم كونستيتۋتسييالىق قۇقىقتاردى بۇزۋدى كٶرٸپ وتىرعان جوقپىن. بٸز تاڭداۋ ۇسىنىپ وتىرمىز. ەگەر ادام ۆاكتسينادان باس تارتسا, وندا پتر-تەستٸلەۋدەن ٶتۋٸ كەرەك. بٸز ٷندٸستانداعى, سونداي-اق كٶرشٸ ەلدەردەگٸ جاعدايدى ەسكەرە وتىرىپ, قاۋٸپكە, ٷلكەن قاتەرگە جول بەرە المايمىز. بٸز ازاماتتارىمىزدىڭ دەنساۋلىعىنا قاۋٸپ تٶندٸرە المايمىز», - دەيدٸ توعجانوۆ.
پرەمەر-مينيستردٸڭ ورىنباسارى حالىقتى ۆاكتسينا سالدىرۋعا ٷندەدٸ. رەسپۋبليكا بويىنشا ەكپەنٸڭ 2,4 ميلليون دوزاسى بار. ەكٸ اپتانىڭ ٸشٸندە تاعى ەكٸ ميلليون ۆاكتسينا جەتكٸزٸلەدٸ.
«بۇل – ەرٸكتٸ شارا. بٸراق جاڭا قاۋٸپ-قاتەرلەردٸ ەسكەرە وتىرىپ, قوسىمشا شارالاردى قابىلداۋعا تۋرا كەلدٸ», - دەدٸ توعجانوۆ.
ونىڭ سٶزٸنە قاراعاندا, كوروناۆيرۋسقا قارسى ۆاكتسينا بار. بٸراق ەكپە سالۋ شارالارى باياۋ جٷرگٸزٸلٸپ جاتىر. ەندٸگٸ ماقسات – كٷنٸنە 70 مىڭ ادامعا ۆاكتسينا ەگۋ.
