پاۆلودار وبلىسى پوليتسييا دەپارتامەنتٸنٸڭ باستىعى قىزمەتٸنە ۆاسيليي سكليار تاعايىندالدى, دەپ حابارلادى Sputnik قازاقستان ۆەدومستۆونىڭ باسپاسٶز قىزمەتٸنە سٸلتەمە جاساپ.
بۇعان دەيٸن دەپارتامەنتتٸ ۇقك-نىڭ بۇرىنعى باسشىسى كەرٸم مەسٸموۆتىڭ تۋىسى – پوليتسييا گەنەرال-مايورى نۇرلان مەسٸموۆ باسقارعان. كەرٸم مەسٸموۆ قاماۋعا الىندى. ال نۇرلان مەسٸموۆ 17 قاڭتاردا جازعان ٶتٸنٸشٸ نەگٸزٸندە قىزمەتٸنەن بوساتىلعان بولاتىن.
دەپاراتمەنتتٸڭ جاڭا باسشىسى ٸشكٸ ٸستەر مينيسترٸنٸڭ بۇيرىعىمەن تاعايىندالدى. ونىڭ كانديداتۋراسىنا پرەزيدەنت ەكٸمشٸلٸگٸ كەلٸسٸم بەرگەن. بٷگٸن ٸشكٸ ٸستەر مينيسترٸ ەرلان تۇرعىمباەۆ جەكە قۇرامعا پوليتسييا دەپارتامەنتٸنٸڭ جاڭا باستىعىن تانىستىردى.
ۆاسيليي ۆاسيلەۆيچ سكليار 1983 جىلى دٷنيەگە كەلگەن. بۇقارالىق اقپارات قۇرالدارىنىڭ مەلٸمەتٸنە سەيكەس, ۆاسيليي سكليار - قازاقستاننىڭ ۆيتسە-پرەمەرٸ رومان سكلياردىڭ تۋعان ٸنٸسٸ.
2006 جىلى قر ٸٸم قاراعاندى زاڭ ينستيتۋتىن, 2012 جىلى قر ٸٸم قاراعاندى اكادەميياسىنىڭ ماگيستراتۋراسىن بٸتٸرگەن. زاڭگەر, قۇقىق ماگيسترٸ.
تٷرلٸ لاۋازىمداردا, سونىڭ ٸشٸندە پاۆلودار قالاسىنىڭ ۋچاسكەلٸك پوليتسييا ينسپەكتورى; قىلمىستاردى اشۋ جٶنٸندەگٸ جەدەل ۋەكٸل; اسا ماڭىزدى ٸستەر جٶنٸندەگٸ اعا جەدەل ۋەكٸل; سولتٷستٸك قازاقستان وبلىسى پوليتسييا دەپارتامەنتٸنٸڭ كريمينالدىق پوليتسييا باسقارماسى باستىعىنىڭ ورىنباسارى بولىپ جۇمىس ٸستەدٸ.
2017 جىلدىڭ سەۋٸرٸندە پاۆلودار وبلىسى اقسۋ قالاسىنىڭ ٸٸب باستىعى بولىپ تاعايىندالدى. بۇعان دەيٸن ەكٸباستۇز قالاسىنىڭ پوليتسييا باسقارماسىن باسقاردى.
