پرەمەر-مينيستردٸڭ ورىنباسارى - ساۋدا جەنە ينتەگراتسييا مينيسترٸ سەرٸك جۇمانعاريننٸڭ بولجاۋىنشا, اپتا سوڭىنا دەيٸن ەكٸباستۇزداعى بارلىق ٷيگە جىلۋ بەرٸلەدٸ, دەپ حابارلايدى قازاقپارات.
مينيستر جىلۋ ٶشٸرٸلگەندە اقپاي قالعان سۋلار قۇبىردا قاتىپ قالعانىن ايتتى.
«سوندىقتان جىلۋ بەرۋ كەزٸندە باتارەيالار جارىلا باستادى. ياعني, جىلۋ ٷيلەرگە جەتكٸزٸلدٸ, جىلۋ جەلٸلەرٸنە قاتىستى مەسەلەلەر شەشٸلدٸ. ەندٸگٸ مەسەلە تۇرعىن ٷيلەردٸڭ ٸشٸندە. قازٸر وقيعا ورنىندا جٷرگەندەر باتارەيالاردى, كٶتەرگٸشتەردٸ, ٸشكٸ جىلىتۋ جٷيەلەرٸن اۋىستىرۋعا بار كٷشٸن سالىپ جاتىر. سوندىقتان بۇل مەسەلە الداعى ەكٸ كٷندە شەشٸلەدٸ دەپ ويلايمىن», - دەدٸ س. جۇمانعارين ٷكٸمەتتە تٸلشٸلەرگە بەرگەن سۇحباتىندا.
سەرٸك جۇمانعاريننٸڭ ايتۋىنشا, ەكٸباستۇزدا پرەمەر-مينيستردٸڭ بٸرٸنشٸ ورىنباسارى رومان سكليار, ەنەرگەتيكا ۆيتسە-مينيسترٸ جاندوس نۇرماعانبەتوۆ, «ورتالىق ازييا ەنەرگەتيكالىق كورپوراتسيياسى» اق (واەك) قۇرىلتايشىلارىنىڭ بٸرٸ جٷر.
«الدىمەن مەسەلەنٸ تولىق شەشٸپ, جىلۋدى بارلىق پەتەرگە جەتكٸزۋ كەرەك, باتارەيالاردى جٶندەۋ كەرەك. سودان كەيٸن عانا كٸنەلٸلەر اتالادى, كٸنەلٸلەر ٶكٸنەدٸ دەپ ويلايمىن», - دەيدٸ ۆيتسە-پرەمەر.
