مارات قوجاەۆ / فوتو: وكق
ٸشكٸ ٸستەر مينيسترٸنٸڭ بٸرٸنشٸ ورىنباسارى مارات قوجاەۆ تالدىقورعاندا ٶز كابينەتٸندە قىز زورلادى دەگەن كٷدٸكپەن قاماۋعا الىنعان قالالىق پوليتسييا باسقارماسىنىڭ باستىعىنا قاتىستى پٸكٸر بٸلدٸردٸ, دەپ حابارلايدى Sputnik قازاقستان.
قوجاەۆ تالدىقورعاندا پوليتسيياعا باسشىلىق ەتكەن ەرٸپتەسٸمەن جەكە تانىسقان ەمەسپٸن دەيدٸ. بٸراق ول ادام تەكسەرٸستەن تالاي رەت ٶتكەن.
“ۇيات جاعداي, ونى مويىنداۋ كەرەك. بٸراق ەر ادامنىڭ جٷرەگٸنە, قانىنا سٸڭەتٸن قاسيەتتەردٸ بٸز بٸلە المايمىز. ونداي تەحنولوگييا جوق ەلٸ. تەكسەرٸستەن تالاي رەت ٶتتٸ. جاڭادان كەلگەن قىزمەتكەر ەمەس, تالاي جىل ٸستەپ كەلە جاتقان ادام. بٸراق وسىنداي نەرسەنٸ ٸستەپ قويدى. جاۋاپكەرشٸلٸگٸن تەرگەۋ انىقتايدى, سوتقا جٸبەرٸلەدٸ, سول كەزدە جازاسىن الادى”,-دەدٸ قوجاەۆ جۋرناليستەرگە بەرگەن سۇحباتىندا.
وسى ورايدا جۋرناليستەر قىز زورلاعان باسشىنىڭ بۇعان دەيٸن ٶز قىزمەتكەرلەرٸن بالاعاتتاپ, دٶرەكٸ مٸنەز كٶرسەتكەنٸن ەسكە سالدى. قوجاەۆتىڭ سٶزٸنە قاراعاندا, بۇنىڭ بارلىعى كەشەگٸ تەكسەرٸس كەزٸندە انىقتالىپ وتىر.
“يە, ونداي جاعدايلار بولعان ەكەن. سول وقيعا كەزٸندە ونىڭ لاۋازىمى تٶمەندەتٸلگەن, ودان كەيٸن قىزمەتٸن اتقارا كەلە, مىنا لاۋازىمىنا تاعايىندالعان”, - دەپ اتاپ كٶرسەتتٸ قوجاەۆ.
ايتا كەتەرٸ, وسى اپتانىڭ باسىندا تالدىقورعان قالالىق پوليتسيياسىنىڭ باستىعى 27 جاستاعى قىزدى زورلادى دەگەن كٷدٸكپەن ۇستالدى. كەشە وبلىستىق پوليتسييا دەپاراتمەنتٸنٸڭ باسشىلىعى دا جۇمىستان بوساتىلدى.
