30 جاستان اسقان ستۋدەنتتەر جوعارى وقۋ ورىندارىنا بٸلٸم الۋعا ەمەس, ديپلوم ٷشٸن كەلەدٸ. مۇنداي پٸكٸردٸ قر بٸلٸم جەنە عىلىم ۆيتسە-مينيسترٸ ميراس دەۋلەنوۆ ايتتى, دەپ حابارلايدى قازاقپارات.
«ٶتكەن جىلى 30 مىڭنان استام ستۋدەنت بٸلٸم الىپ جاتقان بٸر جوعارى وقۋ ورنىن تەكسەردٸك. ونىڭ جابىلاتىندىعى تۋرالى جارييالادىق. وسى ورايدا بٸزدٸڭ شەشٸمٸمٸزگە شاعىم تٷسٸرٸلٸپ, سوت وتىرىستارى جارتى جىلعا سوزىلدى. بٸلٸم ساپاسىنىڭ تٶمەندٸگٸن جەنە جوو-نىڭ جابىلاتىنىن بٸلە تۇرا بٸردە-بٸر ستۋدەنت باسقا وقۋ ورنىنا اۋىستىرىلماعان», - دەدٸ م. دەۋلەنوۆ ورتالىق كوممۋنيكاتسييالار قىزمەتٸندە.
ونىڭ ايتۋىنشا, ستۋدەنتتەر كونتينگەنتٸنٸڭ جارتىسىنان استامى 30 جاستان اسقان ادامداردى قامتيتىن جوو-لار دا بار.
«بۇل ستۋدەنتتەردٸڭ بٸلٸم ٷشٸن ەمەس, ديپلوم الۋعا كەلگەنٸن تٷسٸنٸپ وتىرمىز. 30 جاستان اسقان بۇل ستۋدەنتتەردە بٸرٸنشٸ كۋرستان باستاپ تۇراقتى زەينەتاقى اۋدارىمدارى جٷرٸپ جاتقانىن اتاپ ٶتكەن جٶن, ياعني ولار جۇمىس ٸستەپ جٷرگەن ادامدار. نەتيجەسٸندە, بٸز قانداي مامانداردى كٶرەتٸنٸمٸز بەلگٸلٸ», - دەدٸ ميراس دەۋلەنوۆ.
ونىڭ سٶزٸنە قاراعاندا, تەكسەرٸس بارىسىندا اتالعان ستۋدەتتەردٸڭ سااباقتارعا بارمايتىندىعى انىقتالدى. پاندەمييا كەزٸندە دە ولار قاشىقتان وقىتۋ رەجيمٸندەگٸ ساباقتارعا قاتىسپاۋدا.
«ٸس جٷزٸندە بۇل ستۋدەنتتەر وقىماي جٷرگەنٸن كٶرٸپ وتىرمىز. اتاپ ايتقاندا, جوعارى جاستاعى ستۋدەنتتەردٸڭ بٸلٸم الۋىنا ەشقانداي شەكتەۋ جوق, ولار ەمٸن-ەركٸن بٸلٸمٸن جالعاستىرا الادى. ولار بٸلٸم الۋعا نيەت تانىتسا, وندا ناقتى ساباقتاردا بولۋى كەرەك», - دەدٸ ۆيتسە مينيستر.
