فوتو: AFP
ۆەتنامدا تولاسسىز جاۋعان جاڭبىر مەن سۋ تاسقىنىنان كەمٸندە 41 ادام قازا تاپتى, دەپ حابارلايدى Ult.kz BBC-گە سٸلتەمە جاساپ.
مەملەكەتتٸك باق دەرەگٸنشە, ورتالىق ٶڭٸرلەردٸ بٸرنەشە كٷن بويى توقتاۋسىز جاۋعان نٶسەر باسىپ, 9 ادام ەلٸ ٸز-تٷزسٸز جوعالعان. سۋ تاسقىنى سالدارىنان 52 مىڭنان استام ٷي سۋ استىندا قالدى, ال 500 مىڭعا جۋىق ٷي مەن كەسٸپورىن جارىقسىز وتىر. ون مىڭداعان تۇرعىن قاۋٸپسٸز ايماقتارعا شۇعىل ەۆاكۋاتسييالاندى.
سوڭعى ٷش كٷندە كەي ٶڭٸرلەردەگٸ جاۋىن-شاشىن كٶلەمٸ 1,5 مەتردەن اسىپ, تٸپتٸ كەي ايماقتاردا 1993 جىلعى تاريحي 5,2 مەترلٸك سۋ دەڭگەيٸنەن جوعارىلاعان.
بۇل – سوڭعى ايلاردا ۆەتنامدى شارپىعان تابيعي اپاتتاردىڭ جالعاسى. بۇعان دەيٸن ەل اۋماعىندا سوققان Kalmaegi جەنە Bualoi تايفۋندارى ٷلكەن شىعىن ەكەلگەن ەدٸ.
ٷكٸمەت دەرەگٸنە سٷيەنسەك, بيىل قاڭتار-قازان ايلارى ارالىعىندا تابيعي اپاتتار ەلگە 2 ملرد دوللاردان استام ماتەريالدىق شىعىن كەلتٸرگەن.
سۋ تاسقىنى ۆەتنامنىڭ ورتالىق تاۋلى ايماعىنداعى ٸرٸ كوفە ٶندٸرۋ بەلدەۋٸنە دە اۋىر سوققى بولدى. Dak Lak پروۆينتسيياسىندا ونداعان مىڭ ٷي سۋ استىندا قالىپ, فەرمەرلەر بۇعان دەيٸنگٸ داۋىلداردان كەيٸن دە توقتاپ قالعان كوفە جيناۋ جۇمىستارىنا قايتا كٸرٸسە الماي وتىر. ۆەتنام — ەلەمدەگٸ روبۋستا سورتىنداعى كوفەنٸڭ جەتەكشٸ ەكسپورتتاۋشىلارىنىڭ بٸرٸ.
بيلٸك ٶكٸلدەرٸ اپاتتى اۋا رايى كەم دەگەندە جەكسەنبٸگە دەيٸن سوزىلۋى مٷمكٸن ەكەنٸن ەسكەرتتٸ. ەسكەري بٶلٸمدەر مەن پوليتسييا تۇرعىنداردى قاۋٸپسٸز جەرگە كٶشٸرۋ ٷشٸن جەدەل ەۆاكۋاتسييالىق ورتالىقتار ۇيىمداستىرۋدا.
