قازاقستان 2022 جىلدىڭ سəۋٸر ايىندا ۆەنەتسييا بيەننالەسٸندە تۇڭعىش رەسمي پاۆيلونىن اشادى, دەپ حابارلايدى قازاقپارات.
ۆەنەتسييا بيەننالەسٸنە قازاقستان اتىنان ORTA ترانسديستسيپلينار ۇجىمى قاتىسادى. ۇجىم جوباسى اتاقتى الماتىلىق سۋرەتشٸ سەرگەي كالمىكوۆتىڭ (1891- 1967) يدەيالارىنا نەگٸزدەلگەن.
كوماندا قۇرامىندا اكتريسا الەكساندرا موروزوۆا, رەجيسسەر رٷستەم بەگەنوۆ, داريا دجۋمەليا, سۋرەتشٸلەر الەكساندر باقانوۆ پەن سابينا قۋانعاليەۆا بار.
«ۆەنەتسييا بيەننالەسٸندەگٸ جەكە ۇلتتىق پاۆيلون – قازاقستاندىق ارت-ساحناداعى كٶپتەن كٷتكەن وقيعانىڭ بٸرٸ. قازاقستاننىڭ ۆەنەتسيياداعى تۇڭعىش پاۆيلونىندا كوميسسار بولۋ – مەن ٷشٸن ٷلكەن مəرتەبە. ٶنەردٸ بٸرٸنشٸ كەزەكتە كوممۋنيكاتسييا رەتٸندە قاراستىرۋعا بولادى, ال ۆەنەتسيياداعى ۇلتتىق پاۆيلوندار ارقىلى شارتاراپتىڭ داۋسىن ەستۋگە, ياعني بٸر كٶزقاراسقا بايلانىپ قالماي, ۋاقىت رۋحىن سەزٸنۋ مٷمكٸندٸگٸ بار. بۇل پاۆيلون əلەم بويىنشا دا, ەل ٸشٸندە دە قازاقستاندىق زاماناۋي ٶنەردٸ قولداۋعا جəنە تانىستىرۋعا ارنالعان كٶپتەگەن جوبانىڭ بٸرٸنە اينالادى دەپ ٷمٸتتەنەمٸن», – دەيدٸ قازاقستان پاۆيلونى كوميسسارى مەرۋەرت قاليەۆا.
قازاقستان 2005-2013 جىلدار ارالىعىندا شاراعا ورتالىق ازييا ەلدەرٸ پاۆيلونى اياسىندا, ال ودان كەيٸنگٸ ۋاقىتتا تٷرلٸ مəدەني ينستيتۋتسييانىڭ ٶز بەتٸنشە ۇيىمداستىرعان باستامالارى شەڭبەرٸندە قاتىسىپ كەلدٸ.
بيىل قازاقستان تۇڭعىش رەسمي ۇلتتىق پاۆيلونىن تانىستىرادى. پاۆيلوندى قازاقستاننىڭ زاماناۋي ٶنەر قورى Ə.قاستەەۆ اتىنداعى قر مەملەكەتتٸك ٶنەر مۇراجايىمەن سەرٸكتەستٸكتە, «سəبي» قايىرىمدىلىق قورى, نۇرلان سماعۇلوۆ قورى, G&G كومپانيياسى, مارۋسيا اساۋباەۆا قورىنىڭ قولداۋىمەن جəنە قر مəدەنيەت جəنە سپورت مينيسترلٸگٸ قاتىسۋىمەن ۇيىمداستىرماق.
ۆەنەتسييا بيەننالەسٸ – ەڭ بەدەلدٸ حالىقارالىق كٶركەمٶنەر كٶرمەلەرٸنٸڭ بٸرٸ. ول 1895 جىلدان بەرٸ 2 جىلدا بٸر رەت ۆەنەتسييادا ۇيىمداستىرىلىپ كەلەدٸ. بيەننالە – əلەم ٶنەرٸنٸڭ دامۋ باعىتىن انىقتايتىن وقيعا. 59-بيەننالە 2022 جىلدىڭ 23 سəۋٸرٸ مەن 27 قاراشاسى ارالىعىندا ٶتەدٸ.
