قازاقستاننىڭ جوعارى وقۋ ورىندارى ۆاكتسيناتسييانى قولداۋ ماقساتىندا بەينەروليك جولداۋ اكتسيياسىن باستادى, دەپ حابارلايدى "ۇلت اقپارات" قر بعم باسپاسٶز قىزمەتٸنە سٸلتەمە جاساپ.
ەل-فارابي اتىنداعى قازاق ۇلتتىق ۋنيۆەرسيتەتٸ, اباي اتىنداعى قازاق ۇلتتىق پەداگوگيكالىق ۋنيۆەرسيتەتٸ, د.سەرٸكباەۆ اتىنداعى شىعىس قازاقستان تەحنيكالىق ۋنيۆەرسيتەتٸ, م. ح. دۋلاتي اتىنداعى تاراز ٶڭٸرلٸك ۋنيۆەرسيتەتٸ, الماتى تەحنولوگييالىق ۋنيۆەرسيتەتٸ, وڭتٷستٸك قازاقستان مەملەكەتتٸك پەداگوگيكالىق ينستيتۋتى, شەكەرٸم ۋنيۆەرسيتەتٸ, م. ٶتەمٸسوۆ اتىنداعى باتىس قازاقستان ۋنيۆەرسيتەتٸ, پاۆلودار پەداگوگيكالىق ۋنيۆەرسيتەتٸنٸڭ بٸلٸم الۋشىلارى مەن وقىتۋشىلارى بەينەروليكتەر تٷسٸرٸپ, ەلەۋمەتتٸك جەلٸلەردە جارييالادى. بەينەجازبادا ۆاكتسيناتسييالاۋدىڭ قاجەتتٸلٸگٸ تۋرالى ايتىلعان.
«مەن ۆاكتسينانىڭ ەكٸ كومپونەنتٸن الدىم. بارلىعى جاقسى ٶتتٸ, جاعىمسىز ەسەرٸ بولعان جوق. جالپى, ستۋدەنتتەر اراسىندا ۆاكتسيناتسييانى ىنتالاندىرۋ اكتسيياسىن قولدايمىن, ٶيتكەنٸ كەلەسٸ وقۋ جىلىندا دەستٷرلٸ فورماتتا, ياعني ۋنيۆەرسيتەت قابىرعاسىندا وقىعىم كەلەدٸ. ول ٷشٸن بٸز ۇجىمدىق يممۋنيتەت قالىپتاستىرۋىمىز كەرەك. مەن بۇل ناۋقاندى قولدايمىن. كارانتينگە دەيٸنگٸ قالىپتى ٶمٸرگە تەك وسىلاي عانا ورالامىز», — دەدٸ م.ح. دۋلاتي اتىنداعى تاراز ٶڭٸرلٸك ۋنيۆەرسيتەتٸنٸڭ ستۋدەنتٸ ەرسۇلتان نٷسٸپجانوۆ.
كوروناۆيرۋسقا قارسى ۆاكتسيناتسييا اكتسيياسىن ۋنيۆەرسيتەت وقىتۋشىلارى دا بەلسەندٸ قولدايدى.
«بٸز بەرٸمٸز ازاماتتىق جاۋاپكەرشٸلٸك تانىتىپ, قاۋٸپتٸ ۆيرۋسقا قارسى ۆاكتسيناتسييالانۋىمىز كەرەك. مەن بارلىق ستۋدەنت پەن وقىتۋشىلاردى ەكپە الۋعا شاقىرامىن. ۆاكتسيناتسييا — كوروناۆيرۋستى جەڭۋدٸڭ جالعىز جولى. ٶزدەرٸڭٸزدٸ جەنە جاقىندارىڭىزدى ساقتاڭىزدار», — دەدٸ د.سەرٸكباەۆ اتىنداعى شىعىس قازاقستان ۋنيۆەرسيتەتٸنٸڭ وقىتۋشىسى, PhD دوكتورى سامات بايگەرەەۆ.
