Qazaqstannyń joǵary oqý oryndary vaktsinatsiiany qoldaý maqsatynda beinerolik joldaý aktsiiasyn bastady, dep habarlaidy "Ult aqparat" QR BǴM baspasóz qyzmetine silteme jasap.
Ál-Farabi atyndaǵy Qazaq ulttyq ýniversiteti, Abai atyndaǵy Qazaq ulttyq pedagogikalyq ýniversiteti, D.Serikbaev atyndaǵy Shyǵys Qazaqstan tehnikalyq ýniversiteti, M. H. Dýlati atyndaǵy Taraz óńirlik ýniversiteti, Almaty tehnologiialyq ýniversiteti, Ońtústik Qazaqstan memlekettik pedagogikalyq institýty, Shákárim ýniversiteti, M. Ótemisov atyndaǵy Batys Qazaqstan ýniversiteti, Pavlodar pedagogikalyq ýniversitetiniń bilim alýshylary men oqytýshylary beinerolikter túsirip, áleýmettik jelilerde jariialady. Beinejazbada vaktsinatsiialaýdyń qajettiligi týraly aitylǵan.
«Men vaktsinanyń eki komponentin aldym. Barlyǵy jaqsy ótti, jaǵymsyz áseri bolǵan joq. Jalpy, stýdentter arasynda vaktsinatsiiany yntalandyrý aktsiiasyn qoldaimyn, óitkeni kelesi oqý jylynda dástúrli formatta, iaǵni ýniversitet qabyrǵasynda oqyǵym keledi. Ol úshin biz ujymdyq immýnitet qalyptastyrýymyz kerek. Men bul naýqandy qoldaimyn. Karantinge deiingi qalypty ómirge tek osylai ǵana oralamyz», — dedi M.H. Dýlati atyndaǵy Taraz óńirlik ýniversitetiniń stýdenti Ersultan Núsipjanov.
Koronavirýsqa qarsy vaktsinatsiia aktsiiasyn ýniversitet oqytýshylary da belsendi qoldaidy.
«Biz bárimiz azamattyq jaýapkershilik tanytyp, qaýipti virýsqa qarsy vaktsinatsiialanýymyz kerek. Men barlyq stýdent pen oqytýshylardy ekpe alýǵa shaqyramyn. Vaktsinatsiia — koronavirýsty jeńýdiń jalǵyz joly. Ózderińizdi jáne jaqyndaryńyzdy saqtańyzdar», — dedi D.Serikbaev atyndaǵy Shyǵys Qazaqstan ýniversitetiniń oqytýshysy, PhD doktory Samat Baigereev.
