قازاقستانداعى ۆاكتسينالاۋ تۋرالى ەلەكتروندى پاسپورتقا QR-كود ەنگٸزٸلەدٸ. بۇل تۋرالى قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ ۆيتسە-مينيسترٸ ەسەت تۇرىسوۆ ايتىپ بەردٸ, دەپ حابارلايدى قازاقپارات.
«شەكارادان ٶتەردە, مىسالى قىرعىزستانمەن شەكارادا كٶپتەگەن ادامدار ۆاكتسينالاۋ پاسپورتىن كٶرسەتەدٸ جەنە ولاردان QR-كود تالاپ ەتٸلەدٸ. سول ارقىلى ادامنىڭ ۆاكتسينا العان-الماعانىن تەكسەرۋگە بولادى. قازاقستاننىڭ ۆاكتسينالاۋ پاسپورتىندا مۇنداي كود جوق. ونى ەنگٸزۋ جوسپاردا بار ما?», - دەپ سۇراق قويدى جۋرناليست ورتالىق كوممۋنيكاتسييالار قىزمەتٸندە ٶتكەن بريفينگتە.
ۆيتسە-مينيستر ەسەت تۇرىسوۆ eGov mobile-دا QR-كود ەزٸرلەنٸپ جاتقانىن جەنە ۆاكتسينالاۋ پاسپورتىنا ەنگٸزٸلەتٸنٸن ايتتى.
«سونىمەن قاتار, ۆاكتسينالاۋ پاسپورتتارىنىڭ قاعاز نۇسقالارىندا QR-كود بار. سوندىقتان, شەتەلگە شىعاردا شەكارادا قيىندىقتارعا تاپ بولماۋ ٷشٸن قاعاز نۇسقاسىن الۋعا بولادى. EGov mobile-عا كەلسەك, ەنگٸزۋ جۇمىستارى جٷرٸپ جاتىر», - دەپ اتاپ ٶتتٸ ەسەت تۇرىسوۆ.
