فوتو: primeminister.kz
جەلتوقساندا قىزىلشاعا قارسى 1 ملن دوزا ۆاكتسينا جەتكٸزٸلەدٸ. بۇل تۋرالى دەنساۋلىق ساقتاۋ مينيسترٸ اجار عينييات مەلٸم ەتتٸ, دەپ حابارلايدى Kazinform اگەنتتٸگٸ.
«قىزىلشا بويىنشا جاعدايدى تۇراقتاندىرۋ ماقساتىندا شارالار قابىلداندى. بٸرٸنشٸدەن, قىزىلشاعا قارسى جوسپارلى ۆاكتسيناتسييالاۋمەن 600 مىڭنان استام بالا قامتىلدى. بۇل 1 جاس جەنە 6 جاس ارالىعىنداعى بالالاردىڭ 84 پايىزىن قۇرايدى. جىل سوڭىنا دەيٸن وسى جاس توبىنداعى 100 مىڭنان استام بالا ۆاكتسيناتسييالاۋعا جاتادى», - دەدٸ مينيستر ورتالىق كوممۋنيكاتسييالار قىزمەتٸندەگٸ بريفينگتە.
ونىڭ اتاپ ٶتۋٸنشە, ەكٸنشٸدەن, قىزىلشامەن اۋىرعاندارمەن بايلانىستا بولعان 15 مىڭنان استام ادام شۇعىل ۆاكتسيناتسييالاۋمەن قامتىلدى. ٷشٸنشٸدەن, بۇرىن ۆاكتسينا الماعان 18 جاسقا دەيٸنگٸ 63 مىڭنان استام ادام ۆاكتسينا الدى. تٶرتٸنشٸدەن, 5 جاسقا دەيٸنگٸ بالالاردى يممۋنداۋ جٷرگٸزٸلٸپ جاتىر. وسى ۋاقىتقا دەيٸن 100 مىڭنان استام بالا ۆاكتسيناتسييالاندى.
«قوسىمشا جاپپاي يممۋنداۋ جٷرگٸزۋ ٷشٸن قىزىلشاعا قارسى ۆاكتسينانىڭ 1,5 ملن دوزاسى ساتىپ الىندى. ونىڭ 500 مىڭ دوزاسى كەلٸپ تٷستٸ, جەلتوقسان ايىندا 1 ملن دوزا جەتكٸزٸلەدٸ دەپ كٷتٸلۋدە. وسىعان بايلانىستى, حالىقتىڭ بەلسەندٸلٸگٸ مەن ۆاكتسيناتسييالاۋدى تاڭداۋ بٸزدٸڭ بالالارىمىزدىڭ دەنساۋلىعىن ساقتاۋدى قامتاماسىز ەتۋگە مٷمكٸندٸك بەرەدٸ», - دەدٸ ول.
مينيستردٸڭ ايتۋىنشا, جاپپاي يممۋنداۋمەن جوعارى قامتۋ عانا جەلتوقسان ايىندا قىزىلشا بويىنشا ەپيدەميولوگييالىق جاعدايدى تۇراقتاندىرۋعا جەنە 2024 جىلعى قاڭتاردا سىرقاتتانۋشىلىقتى ازايتۋعا مٷمكٸندٸك بەرەدٸ.
«ۆاكتسينامەن باسقارىلاتىن اۋرۋلار مەن اسقىنۋلاردان بالالاردىڭ دەنساۋلىعىن قورعاۋ تۋرالى شەشٸم قابىلدايتىن اتا-انالاردان ۆاكتسيناتسييالاۋدان باس تارتۋ كٶكجٶتەل, ديفتەرييا, پوليوميەليت, سٸرەسپە سيياقتى ۇمىتىلىپ كەتكەن قاۋٸپتٸ اۋرۋلاردىڭ ٶرشۋٸنە ەكەلۋٸ مٷمكٸن ەكەنٸنە, بۇل كٶبٸنە جوعارى مٷگەدەكتٸك پەن ٶلٸمگە ەكەلەتٸنٸنە اسا نازار اۋدارۋىن ٶتٸنەمٸن. ەگەر سٸزدەردٸڭ 5 جاسقا دەيٸنگٸ بالالارىڭىز بولسا, ۇلتتىق ەگۋ كٷنتٸزبەسٸنە سەيكەس بالالارىڭىزدا ەكپەلەردٸڭ بار-جوعىن تەكسەرۋدٸ سۇرايمىن جەنە مٸندەتتٸ تٷردە قوسىمشا جاپپاي يممۋنداۋ اياسىندا ەكپە الۋدى ۇمىتپاڭىز. ۆاكتسيناتسييالانباعان جاعدايدا بالالارىڭىزدى تٸركەلگەن جەرٸ بويىنشا مەديتسينالىق ۇيىمدا دەرەۋ ۆاكتسينا الۋدى ۇسىنامىن. بالالارىڭىزدىڭ دەنساۋلىعى - ٶز قولدارىڭىزدا», - دەدٸ اجار عينييات.
