قر دسم قوعامدىق دەنساۋلىق ساقتاۋ ۇلتتىق ورتالىعى ديرەكتورى دامير كٶبجاساروۆ ۆاكتسينا الار الدىنداعى رەسٸمدەردٸ تٷسٸندٸردٸ, دەپ حابارلايدى قازاقپارات.
«ۆاكتسينالاۋ كەزٸندە ەكپەگە كەلٸسەتٸنٸ نەمەسە باس تارتاتىنى تۋرالى قولحات الىنادى. ەكپە قويار الدىندا دەرٸگەر بالانىڭ اتا-اناسىنا تيٸستٸ مەلٸمەتتەردٸ بەرۋٸ كەرەك. ياعني ۆاكتسينانىڭ سيپاتى, قانداي ينفەكتسيياعا قارسى قويىلىپ جاتقانى جايىندا, ودان قانداي رەاكتسييا بولاتىندىعى تۋرالى, سونداي-اق ۆاكتسينانىڭ قۇرامى جايىندا تٷسٸنٸك بەرەدٸ», - دەدٸ ول ونلاين بريفينگتە.
ونىڭ سٶزٸنە قاراعاندا, بۇل شارالار بالانىڭ اتا-اناسى ۆاكتسينا تۋرالى حاباردار بولۋى ٷشٸن جاسالادى.
«وسىدان كەيٸن بالانىڭ اتا-اناسى ەكپەگە كەلٸسەتٸنٸ نەمەسە ودان باس تارتاتىنى تۋرالى شەشٸم قابىلدايدى», - دەدٸ سپيكەر.
سونىمەن قاتار ول ەكپەدەن باس تارتۋ كەيٸننەن قانداي سالدارعا الىپ كەلۋٸ مٷمكٸن ەكەنٸن ايتتى.
«ۆاكتسينادان باس تارتا وتىرىپ, اتا-انا ٶزٸنە تيٸستٸ جاۋاپكەرشٸلٸكتٸ الادى, ياعني بۇل جاعداي قانداي دا بٸر ماعىنادا بالانىڭ بولاشاعىنا ەسەر ەتۋٸ مٷمكٸن. سەبەبٸ ٶزگە ەلدەردە ستۋدەنتتٸ وقۋعا قابىلداۋ كەزٸندە ناقتى ۆاكتسينالارعا تيٸستٸ سەرتيفيكاتتىڭ بولۋىن سۇرايدى. سونىمەن بٸرگە, اتا-انا بالانىڭ دەنساۋلىعى ٷشٸن ٶزٸنە جاۋاپكەرشٸلٸك الادى», - دەدٸ د. كٶبجاساروۆ.
