ۇزىناعاشتاعى مال بازارىنا 40 ٸرٸ قارانى ساتامىز دەپ شىققان ٷش اعايىندىنىڭ ٶلٸمٸنە قاتىسى بارلار ەكەۋدەن كٶپ. بۇل تۋرالى 31 ارنا حابارلايدى.
تالعات سٷلەيمەنوۆ ەسٸمدٸ ٷشٸنشٸ ادامنىڭ ۇستالعانىن ايتقان الماتى وبلىسىنىڭ پروكۋراتۋراسى, بٷكٸل حالىقتى ٶرە تٷرەگەلتكەن وقيعاعا بايلانىستى سوتقا دەيٸنگٸ تەرگەۋدٸڭ بٷگٸن اياقتالعانىن جەتكٸزدٸ.
ٷش اعايىندىنى ۇزىناعاش اۋىلىنان 200 شاقىرىم جەرگە اپارىپ ٶلتٸرٸپ, قۇمعا كٶمٸپ كەتكەن ەكٸ كٷدٸكتٸنٸ قاماۋ مەرزٸمٸ 24 قاراشاعا دەيٸن ۇزارتىلدى.
ياعني, اتىشۋلى سوت ٸسٸ تۋرا 1 ايدان سوڭ باستالۋى مٷمكٸن. ال, ۇستالعان ٷشٸنشٸ ادام «قىلمىس تۋرالى حابارلاماۋ» بابى بويىنشا ايىپتى دەپ تانىلدى.
