ۇستازدار كٷنٸ قارساڭىندا نۇر-سۇلتان تۇرعىندارى قونىس تويىن تويلاپ جاتىر! پەتەر كٸلتتەرٸن كەزەكتە تۇرعان قالا تۇرعىندارىنىڭ بٸر بٶلٸگٸ, سونداي-اق حالىقتىڭ ەلەۋمەتتٸك وسال توپتارى ساناتىنداعى ازاماتتاردىڭ كەزەكتٸ بٶلٸگٸ الدى. «نۇرلى جەر» مەملەكەتتٸك باعدارلاماسى اياسىندا «وتاۋ» كٶپپەتەرلٸ تۇرعىن ٷي كەشەنٸ قولدانىسقا بەرٸلدٸ, دەپ حابارلايدى ەلوردا ەكٸمدٸگٸنٸڭ رەسمي سايتى.
ەلوردا ەكٸمٸنٸڭ ورىنباسارى نۇرلان نۇركەنوۆ «وتاۋ» كٶپپەتەرلٸ تۇرعىن ٷي كەشەنٸندەگٸ پەتەرلەردٸڭ كٸلتٸن تابىس ەتتٸ.
«مۇنى تۇرعىن ٷي كەشەنٸ دەگەننەن گٶرٸ شاعىن اۋدان دەسەك تە بولادى. بۇل اۋماقتا كەلەسٸ جىلى جاڭا مەكتەپ بوي كٶتەرەتٸن بولادى. قازٸردٸڭ ٶزٸندە جاڭا اۆتوبۋس باعىتى ۇيىمداستىرىلدى. بالاباقشا, مەديتسينالىق ورتالىق سەكٸلدٸ باسقا دا ەلەۋمەتتٸك ماڭىزدى ۇيىمدار بوي كٶتەرەدٸ. اباتتاندىرۋ جۇمىستارى جٷرگٸزٸلەدٸ. ياعني تۇرعىنداردىڭ قولايلى ٶمٸر سٷرۋٸنە بارىنشا جاعداي جاسالادى», – دەدٸ ەلوردا ەكٸمٸنٸڭ ورىنباسارى نۇرلان نۇركەنوۆ.
بٷگٸن قونىس تويىن تويلاپ جاتقانداردىڭ بٸرٸ – ەلورداداعى «№65 مەكتەپ-گيمنازيياسىنىڭ وقىتۋشىسى اعيلا عانيقىزى.
«قالاداعى زەۋلٸم كٶپقاباتتى ٷيلەردٸ كٶرٸپ, «شٸركٸن, مەنٸڭ دە ٶز باسپانام بولسا عوي» دەپ قاتتى ارماندايتىنمىن. نيەت ەتسەڭ, تٷبٸ جەتەسٸڭ عوي. ەندٸ بٷگٸن, مٸنە, پەتەرگە قول جەتكٸزدٸم», – دەيدٸ جاس ۇستاز قۋانىشتان جٷزٸ بال-بۇل جانىپ.
مەملەكەت باسشىسىنىڭ تاپسىرماسى بويىنشا ەلوردادا قولجەتٸمدٸ جەڭٸلدٸكتٸ تۇرعىن ٷي كٶلەمٸن ۇلعايتۋ بويىنشا جٷيەلٸ جۇمىس جٷرگٸزٸلۋدە. بيىل نۇر-سۇلتاندا 10 مىڭ جەڭٸلدٸكتٸ ەلەۋمەتتٸك پەتەر سالىنادى. تەك سوڭعى 3 جىلدا قولجەتٸمدٸ تۇرعىن ٷي سانى 5,5 ەسەدەن استام ۇلعايدى.
مىسالى, 2018 جىلى 1800 ەلەۋمەتتٸك پەتەر, 2019 جىلى 2 900 ەلەۋمەتتٸك پەتەر, 2020 جىلى 7 000-نان استام پەتەر سالىنىپ, پايدالانۋعا بەرٸلدٸ.
سونداي-اق, ەلباسىنىڭ باستاماسىمەن قولعا الىنعان «جۇمىس ٸستەيتٸن جاستارعا جالعا بەرٸلەتٸن تۇرعىن ٷي» باعدارلاماسى بيىل دا جالعاسادى.
