فوتو: سٸم
سىرتقى ٸستەر مينيسترٸنٸڭ بٸرٸنشٸ ورىنباسارى ەرجان اشىقباەۆ رەسەيدٸڭ ۋست-لۋگا ۆاحتالىق اۋىلىندا بولعان جاپپاي تٶبەلەسكە قاتىستى پٸكٸر بٸلدٸردٸ, دەپ حابارلايدى Ult.kz.
ونىڭ ايتۋىنشا, قازٸر بۇل جەردە جۇمىس ٸستەپ جاتقان قازاقستان ازاماتتارىنا ەشقانداي قاۋٸپ جوق.
ۆەدومستۆو دەرەگٸنشە, اتالعان ۆاحتالىق اۋىلدا 4 مىڭنان استام قازاقستاندىق جۇمىس ٸستەيدٸ. ولار ۆاحتالىق ەدٸسپەن ەڭبەك ەتەتٸندٸكتەن, قۇرام ٷنەمٸ اۋىسىپ وتىرادى.
ەرجان اشىقباەۆتىڭ ايتۋىنشا, تٶبەلەس كەزٸندە مەديتسينالىق كٶمەك قاجەت ەتەتٸندەي اۋىر جاراقات العان قازاقستان ازاماتتارى تٸركەلمەگەن. قازٸرگٸ ۋاقىتتا ٷش ازامات تەرگەۋگە الىنعان, ٸستٸ رەسەيدٸڭ قۇزىرەتتٸ ورگاندارى قاراپ جاتىر.
– بٷگٸندە قازاقستاندىقتار شتاتتىق رەجيمدە جۇمىس ٸستەپ جاتىر. ولارعا ەشقانداي قاۋٸپ جوق. بۇل تۇرمىستىق سيپاتتاعى جانجال, كٸنەلٸلەر انىقتالىپ جاتىر, – دەدٸ مينيستردٸڭ بٸرٸنشٸ ورىنباسارى مەجٸلٸستٸڭ جالپى وتىرىسىنان كەيٸن.
ەسكە سالايىق, 2026 جىلعى 26 ناۋرىزدا لەنينگراد وبلىسىنداعى ۋست-لۋگا ۆاحتالىق اۋىلىندا تۇرمىستىق جانجال بولىپ, وعان قازاقستان ازاماتتارى دا قاتىسقان.
