Foto: SIM
Syrtqy ister ministriniń birinshi orynbasary Erjan Ashyqbaev Reseidiń Ýst-Lýga vahtalyq aýylynda bolǵan jappai tóbeleske qatysty pikir bildirdi, dep habarlaidy Ult.kz.
Onyń aitýynsha, qazir bul jerde jumys istep jatqan Qazaqstan azamattaryna eshqandai qaýip joq.
Vedomstvo dereginshe, atalǵan vahtalyq aýylda 4 myńnan astam qazaqstandyq jumys isteidi. Olar vahtalyq ádispen eńbek etetindikten, quram únemi aýysyp otyrady.
Erjan Ashyqbaevtyń aitýynsha, tóbeles kezinde meditsinalyq kómek qajet etetindei aýyr jaraqat alǵan Qazaqstan azamattary tirkelmegen. Qazirgi ýaqytta úsh azamat tergeýge alynǵan, isti Reseidiń quzyretti organdary qarap jatyr.
– Búginde qazaqstandyqtar shtattyq rejimde jumys istep jatyr. Olarǵa eshqandai qaýip joq. Bul turmystyq sipattaǵy janjal, kináliler anyqtalyp jatyr, – dedi ministrdiń birinshi orynbasary Májilistiń jalpy otyrysynan keiin.
Eske salaiyq, 2026 jylǵy 26 naýryzda Leningrad oblysyndaǵy Ýst-Lýga vahtalyq aýylynda turmystyq janjal bolyp, oǵan Qazaqstan azamattary da qatysqan.
