شقو-دا ٷشتٸلدٸلٸك وقۋ باعدارلاماسىن جٷزەگە اسىرۋ ماقساتىندا دەڭگەيلەپ وقىتۋ ەدٸسٸ جٷرگٸزٸلەتٸن بولادى. بٷگٸنگٸ تاڭدا مەكتەپ مۇعالٸمدەرٸ تٸلدٸك پەندەردەن وقىتۋ ەدٸستەمەسٸ بويىنشا بٸلٸكتٸلٸگٸن ارتتىرۋ كۋرستارىنان ٶتۋدە.
شىعىس قازاقستان ايماقتىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا شقو بٸلٸم باسقارماسىنىڭ باسشىسى ايجان سادىقوۆا مەلٸم ەتكەندەي, قازٸردٸڭ ٶزٸندە ورىستٸلدٸ مەكتەپتەردە قازاق, ال قازاقتٸلدٸ مەكتەپتەردە ورىس تٸلٸن وقىتۋ ٷشٸن جاڭا وقىتۋ جٷيەسٸ قۇرىلعان.
– اتالعان باعدارلامانى ٸسكە اسىرۋ ٷشٸن نەگٸزگٸ ەكٸ مەسەلەنٸ مەڭگەرۋ قاجەت بولدى. بٸرٸنشٸ كەزەكتە بارلىق وقىتۋ مەكەمەلەرٸندە بٸردەي وقۋلىقتاردىڭ بولۋىن قامتاماسىز ەتۋدٸ كٶزدەپ وتىرمىز جەنە ەكٸنشٸدەن مۇعالٸمدەردٸڭ كەسٸبي بٸلٸكتٸلٸگٸن ارتتىرۋ نەگٸزگە الىنىپ وتىر. مىسالى, بٸرنەشە جىل بويى مەكتەپتە اعىلشىن تٸلٸ وقىتىلعانىمەن, كٶپشٸلٸك وقۋشىلار بٸردەن اعىلشىندا سٶيلەپ كەتە المايدى. سەبەبٸ ەر مەكتەپ ەر تٸلدٸ وقىتۋ ٷشٸن ەرتٷرلٸ اۆتورلاردىڭ وقۋلىقتارىن قولدانادى, – دەدٸ ايجان سادىقوۆا.
باسقارما باسشىسى ايتىپ ٶتكەندەي, اتالعان مەسەلەنٸ شەشۋ ٷشٸن بارلىق مەكتەپتەردە بٸردەي وقۋلىق قولدانىپ, بٸردەي ەدٸستەمەلٸك جٷيە قالىپتاستىرۋ قولعا الىنعان. اعىلشىن دەڭگەيلەپ وقىتۋ جٷيەسٸ بويىنشا حالىقارالىق دەڭگەيدەگٸ بارلىق قاجەتتٸ قۇرالدار بولعانىمەن, قازاق جەنە ورىس تٸلدەرٸن دەڭگەيلەپ وقىتۋ ەدٸسٸ بۇعان دەيٸن بولماعان.
– قازاق تٸلٸن وقىتۋ ٷشٸن فاۋزييا شامسيقىزى ورازباەۆانىڭ ەزٸرلەگەن وقۋلىعىن زەرتتەۋ بارىسىندا ول قازاقستانداعى قازاق تٸلٸن دەڭگەيلەپ وقىتۋشى بٸرٸنشٸ وقۋلىق ەكەندٸگٸن اڭعاردىق. كەيٸن تەجٸريبەلٸك وقۋ قۇرالىن بٸلٸم جەنە عىلىم مينيسترلٸگٸ بەكٸتكەننەن كەيٸن, وبلىستاعى 324 ورىستٸلدٸ مەكتەپتەردٸڭ بارلىعىنا وسى وقۋلىق ساتىپ الىندى, – دەدٸ باسقارما باسشىسى ايجان سادىقوۆا.
ورىس تٸلٸنە كەلگەندە مەسەلە كٷردەلەنە تٷسكەن. انىق بولعانداي ورىس تٸلٸن قازاق مەكتەپتەرٸندە دەڭگەيلەپ وقىتۋ ەدٸسٸ قازاقستانا دا, رەسەيدە دە كەزدەسپەگەن. بٸراق, مەسكەۋدە ەليزاۆەتا حامراەۆا اتالعان ەدٸس بويىنشا وقۋلىقتاردى جاڭادان شىعارا باستاعان. كەيٸن وبلىستان 8 پراكتيك ۇستازدار مەسكەۋگە اتتانىپ, بار وقۋلىقتاردىڭ نەگٸزٸندە ەدٸستەمەنٸ جاساعان.
قازٸردٸڭ ٶزٸندە ۇستازدارعا وقۋلىقتار مەن ەدٸستەمەلەر تاراتىلىپ, وقىتۋ جۇمىستارى باستالعان. ەندٸ بٸر جىل كٶلەمٸندە تٸل ۇستازدارى ەدٸستەمەنٸ مەڭگەرگەننەن كەيٸن, ٶزگە پەننٸڭ ۇستازدارى دا تٸلدەردٸ مەڭگەرۋگە كٸرٸسپەك.
