نۇر-سۇلتان ەۋەجايىندا جولاۋشىلار Air Astana ۇشاعىنداعى ورىندارىن ەۋە كەمەسٸ اپاتىنان زارداپ شەككەندەردٸڭ تۋىستارىنا بەردٸ. بۇل تۋرالى Air Astana ەۋە كومپانيياسىنىڭ كٸرٸستەردٸ باسقارۋ جٶنٸندەگٸ ديرەكتورى ەربولات بايسالىقوۆ ايتتى, دەپ حابارلايدى "ۇلت اقپارات".
«بٸز وسى تەۋلٸكتٸڭ ٸشٸندە زارداپ شەككەندەر مەن قازا تاپقانداردىڭ جاقىن تۋىستارى بولىپ كەلەتٸن 33 جولاۋشىنى جەتكٸزدٸك. 19 ادامدى بٷگٸن تاڭەرتەڭگٸ 05:00-دە الىپ كەتتٸك. بٷگٸن 11 بالانىڭ اناسىن جٸبەردٸك. ونىڭ بٸر بالاسى ەۋە اپاتىنان زارداپ شەكتٸ, 10 بالاسىمەن ۇشىپ كەتتٸ. ياعني, بٸزدە ادامداردىڭ سانى بويىنشا شەكتەۋ جوق. بارلىق جاقىن تۋىستارى ۇشا الادى. سونىمەن قاتار نۇر-سۇلتان ەۋەجايىنىڭ دەرٸگەرٸنە دە بٸرگە ۇشۋدى ٶتٸندٸك», - دەدٸ ول.
ونىڭ ايتۋىنشا, ەۋەجايدا ۇشاق اپاتىنان زارداپ شەككەندەرگە ٶز ورىندارىن بەرگەن جولاۋشىلار دا بولدى.
«قازٸرگٸ ۋاقىتتا زارداپ شەككەندەردٸڭ نەمەسە قازا تاپقان ادامداردىڭ تۋعان-تۋىستارى ٷشٸن ٶتە اۋىر ەكەندٸگٸن تٷسٸنۋٸمٸز كەرەك. سوندىقتان وسىنداي قادامعا بارىپ, ولاردى تەگٸن تاسىمالدادىق. جاڭا جىل قارساڭىندا بارلىق رەيستەر تولىق. سول سەبەپتٸ نۇر-سۇلتان ەۋەجايىنىڭ تٸركەۋ ورنىنان, حالىق الدىنا شىعىپ, جولاۋشىلاردان زارداپ شەككەندەردٸڭ تۋىستارى ٷشٸن ورىن بەرۋدٸ ٶتٸندٸك. باقىتىمىزعا وراي, ونداي جولاۋشىلار تابىلدى. ولارعا زور ريزاشىلىعىمىزدى بٸلدٸرەمٸز», - دەدٸ ەربولات بايسالىقوۆ.
