اۋا رايىنىڭ بۇزىلۋىنا بايلانىستى قازاقستاننىڭ بٸرقاتار ٶڭٸرٸندە ەسكەرتۋ جارييالاندى, دەپ حابارلايدى "ۇلت اقپارات" «قازگيدرومەت» رمك باسپاسٶز قىزمەتٸنە سٸلتەمە جاساپ.
26 ماۋسىمدا سولتٷستٸك قازاقستان وبلىسىنىڭ كەي جەرلەرٸندە نايزاعاي جارقىلداپ, بۇرشاق جاۋادى. سولتٷستٸك-باتىستان جەل سوعادى. كەي جەرلەردە جەل ەكپٸنٸ 15-20 م/س جەتەدٸ.
وسى كٷنٸ پەتروپاۆل قالاسىندا كٷن كٷركٸرەيدٸ.
26 ماۋسىمدا اتىراۋ وبلىسىندا سولتٷستٸكتەن سوققان جەلدٸڭ قارقىنى 15-20 م/س دەيٸن كٷشەيەدٸ.
اتىراۋ قالاسىندا دا سولتٷستٸكتەن سەكۋندىنا 15-18 مەتر جىلدامدىقپەن كٷشتٸ جەل سوعادى.
27-28 ماۋسىمدا اقمولا وبلىسىندا نٶسەر جاڭبىر جاۋادى. كەي جەرلەردە نايزاعاي ويناپ, داۋىل سوعادى, بۇرشاق جاۋادى. سولتٷستٸك-شىعىستان سوققان جەل وڭتٷستٸك-باتىسقا اۋىسقاندا كەي جەرلەردە ەكپٸنٸ 23-28 م/س جەتەدٸ.
27-28 ماۋسىمدا اۋا تەمپەراتۋراسى تٷندە +2-10, كٷندٸز +10-18 گرادۋسقا دەيٸن تٶمەندەيدٸ.
