Aýa raiynyń buzylýyna bailanysty Qazaqstannyń birqatar óńirinde eskertý jariialandy, dep habarlaidy "Ult aqparat" «Qazgidromet» RMK baspasóz qyzmetine silteme jasap.
26 maýsymda Soltústik Qazaqstan oblysynyń kei jerlerinde naizaǵai jarqyldap, burshaq jaýady. Soltústik-batystan jel soǵady. Kei jerlerde jel ekpini 15-20 m/s jetedi.
Osy kúni Petropavl qalasynda kún kúrkireidi.
26 maýsymda Atyraý oblysynda soltústikten soqqan jeldiń qarqyny 15-20 m/s deiin kúsheiedi.
Atyraý qalasynda da soltústikten sekýndyna 15-18 metr jyldamdyqpen kúshti jel soǵady.
27-28 maýsymda Aqmola oblysynda nóser jańbyr jaýady. Kei jerlerde naizaǵai oinap, daýyl soǵady, burshaq jaýady. Soltústik-shyǵystan soqqan jel ońtústik-batysqa aýysqanda kei jerlerde ekpini 23-28 m/s jetedi.
27-28 maýsymda aýa temperatýrasy túnde +2-10, kúndiz +10-18 gradýsqa deiin tómendeidi.
