قر دەنساۋلىق ساقتاۋ ۆيتسە-مينيسترٸ كامالجان نادىروۆ الماتى باس سانيتارلىق دەرٸگەرٸنٸڭ دەرٸگەرلەردٸ ايىپتاۋىنا قاتىستى پٸكٸر بٸلدٸردٸ, دەپ حابارلايدى قازاقپارات.
قالالىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى ايزات مولداقاسىموۆا دەرٸگەرلەر كوروناۆيرۋس سيمپتومىمەن جۇمىسقا كەلٸپ جٷردٸ دەپ ايىپتاعان بولاتىن.
«تەرريتورييالىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ قىزمەتٸ قانداي? وسى ورگان قازٸر مەديتسينالىق ۇيىمداردىڭ ٸشٸندەگٸ ەڭ ەلسٸز تۇستارىن انىقتاۋ كەرەك. ەلبەتتە, بٸزدٸڭ ەرٸپتەستەرٸمٸزگە كەمشٸلٸكتەردٸ نۇقىپ كٶرسەتكەن جاقپاۋى مٷمكٸن. دەرٸگەرلەردٸڭ مەلٸمدەمەسٸنە قاتىستى قازٸر تەكسەرۋ جٷرٸپ جاتىر. جالپى, ورتالىق كلينيكالىق اۋرۋحاناداعى جاعداي, دەرٸگەر ەرٸپتەسٸمٸزدٸڭ مەلٸمدەمەسٸ زەرتتەلٸپ جاتىر. كوميسسييا شىعارعان قورىتىندىعا سەيكەس, زاڭبۇزۋشىلىقتار انىقتالسا, ول نورماتيۆتٸك-قۇقىقتىق بازا شەڭبەرٸندە جازاسىن الادى», - دەدٸ كامالجان نادىروۆ.
ونىڭ ايتۋىنشا, ٶز-ٶزٸن قۇرمەتتەيتٸن كەز كەلگەن مامان مەديتسينالىق ۇيىم ٸشٸندە ينفەكتسييا تارالمايدى دەپ 100 پايىز سەنٸممەن ايتا المايدى.
«بۇل – نونسەنس. مەديتسينا قىزمەتكەرلەرٸ قاۋٸپ توبىنا جاتادى. ورتالىق اۋرۋحانا دەرٸگەردەن پاتسيەنتكە نەمەسە پاتسيەنتتەن دەرٸگەرگە جۇعۋى ەبدەن ىقتيمال. ارى قاراي تٸزبەكتەلٸپ كەتە بەرەدٸ. بۇل جاعدايعا تٷسٸنٸستٸكپەن قاراۋ كەرەك», - دەدٸ ۆيتسە مينيستر.
كامالجان نادىروۆ قازٸر بٸرٸنشٸ مٸندەت – بٸرەۋدٸ جۇمىستان شىعارۋ ەمەس, مەسەلەنٸڭ سەبەپ-سالدارىن ايقىنداۋ ەكەنٸن ايتتى.
«ەرٸپتەستەرٸمدٸ ەشكٸمدٸ ايىپتاپ, ۇرىسۋدى قويا تۇرۋعا شاقىرامىن. قازٸر بٸز بۇل مەسەلەگە تەرەڭدەمەي, ودان دا بٸرٸگٸپ جۇمىس ٸستەۋٸمٸز كەرەك. ەل باسشىلىعى مەن حالىقتىڭ بٸزدەن كٷتٸپ وتىرعانى وسى عانا», - دەدٸ ول.
