قاڭتار وقيعالارى كەزەڭٸندە ۇرلانعان 846 قارۋ تابىلدى. بۇل تۋرالى قر باس پروكۋراتۋراسى قىلمىستىق قۋدالاۋ قىزمەتٸ باسشىسىنىڭ ورىنباسارى ەلدوس قيلىمجانوۆ مەلٸم ەتتٸ, دەپ حابارلايدى قازاقپارات.
«ۇرلانعان اتىس قارۋلارىن انىقتاۋ جۇمىستارى بەلسەندٸ جٷرگٸزٸلٸپ جاتىر. شىمكەنت قالاسىندا ۇلتتىق قاۋٸپسٸزدٸك كوميتەتٸ ورگاندارى ٸشكٸ ٸستەر مينيسترلٸگٸمەن بٸرلەسٸپ, جەدەل-ٸزدەستٸرۋ ٸس-شارالارىن جٷرگٸزدٸ. وسى ورايدا تٷركٸستان وبلىسىنىڭ 2 تۇرعىنى ۇستالدى. ولاردان «كامەراد» اڭشىلىق دٷكەنٸنەن ۇرلانعان ەكٸ «سايگا-12» كارابينٸ مەن پنەۆماتيكالىق مىلتىق تابىلدى», - دەدٸ ەلدوس قيلىمجانوۆ ورتالىق كوممۋنيكاتسييالار قىزمەتٸندە.
سونىمەن قاتار ول تارازدا قارۋ ساقتالعان «قويما» تابىلعانىن ايتتى. ودان جامبىل وبلىسى پوليتسييا دەپارتامەنتٸنەن ۇرلانعان 1 «كالاشنيكوۆ» اۆتوماتى, 2 «ماكاروۆ» تاپانشاسى, «SHTURM» شابۋىل مىلتىعى, 1 گراناتا جەنە وق-دەرٸلەر تەركٸلەندٸ.
«جالپى, ەل بويىنشا قۇقىق قورعاۋ ورگاندارى قاڭتار وقيعالارى كەزەڭٸندە ۇرلانعان 846 ويىق جەنە تەگٸس ۇڭعىلى قارۋدى تاپتى. ۇرلانعان قارۋدىڭ 2 مىڭنان استامى ەلٸ دە قىلمىسكەرلەردٸڭ قولىندا ەكەنٸن, بۇل ٶز كەزەگٸندە قاۋٸپ تٶندٸرەتٸنٸن اتاپ ٶتكەن جٶن. وسى رەتتە زاڭسىز ساقتالعان قارۋدى, وق-دەرٸلەردٸ جەنە جارىلعىش زاتتاردى ٶز ەركٸمەن تاپسىرعان ادامدار قىلمىستىق جاۋاپتىلىقتان بوساتىلادى. دەگەنمەن, ولاردىڭ ەرەكەتتەرٸندە ٶزگە دە قىلمىس قۇرامى بولماۋى تيٸس. ال ادامدى قۇقىق قورعاۋ ورگاندارى قارۋمەن ۇستاپ العان جاعدايلار ەرٸكتٸ تٷردە تاپسىرۋ دەپ تانىلمايدى», - دەدٸ باس پروكۋراتۋرا ٶكٸلٸ.
بۇدان بۇرىن حابارلانعانداي, قازٸرگٸ كەزدە ارنايى پروكۋرورلاردىڭ ٸس جٷرگٸزۋٸندە جاپپاي تەرتٸپسٸزدٸكتەر بويىنشا 53 جەنە تەرروريزم اكتٸلەرٸنە قاتىستى 32 قىلمىستىق ٸس بار.
مەملەكەتتٸك وبەكتٸلەردٸ ٶرتتەۋ, مٷلٸكتەردٸ جويۋ جەنە تەرروريزم اكتٸلەرٸ الماتى, شىمكەنت قالالارىندا, اقتٶبە, اتىراۋ, الماتى, جامبىل, قىزىلوردا جەنە شىعىس قازاقستان وبلىستارىندا جاسالعانى بەلگٸلٸ بولدى.
