الماتىدا ٶتٸپ جاتقان ححVIII قىسقى ۋنيۆەرسيادا ويىندارىندا قازاقستان قورجىنىنا ون بٸرٸنشٸ التىن مەدال تٷستٸ. قازاقستاندىق بياتلونشى قىز گالينا ۆيشنەۆسكايا بەرٸنەن ٷزدٸك شىقتى.
12.5 شاقىرىمدىق ماسس-ستارت سىنىندا وتانداسىمىز 36:15.4 مينۋت ۋاقىت كٶرسەتكٸشٸمەن جەڭٸمپاز اتاندى. كٷمٸس مەدال ۋكراينالىق سپورتشى يانا بوندارعا بۇيىردى. ول گالينادان 1 مينۋتتان اسىق ۋاقىتقا قالىپ قويدى. قولا مەدالدى رەسەيلٸك بياتلونشى لاريسا كۋكلينا يەلەندٸ.
قازاقستاندىق سپورتشىلار ەليزاۆەتا بەلچەنكو - تٶرتٸنشٸ, داريا ۋسانوۆا بەسٸنشٸ ورىننان كٶرٸندٸ. الەكساندرا ساسسينا - ون ٷشٸنشٸ, اناستاسييا كوندراتەۆا جيىرماسىنشى نەتيجە كٶرسەتتٸ. ال الينا رايكوۆا جارىستى جارتى جولدان اياقتادى.
ايتا كەتەيٸك, گالينا ۆيشنەۆسكايا الماتىداعى ۋنيۆەرسيادا ويىندارىندا ەكٸنشٸ رەت جەڭٸمپاز تۇعىرىنان كٶرٸنٸپ وتىر. ول 7,5 شاقىرىمدىق سپرينتتٸك سىندا ٷزدٸك شىققان بولاتىن. سونداي-اق ارالاس ەستافەتا مەن 15 شاقىرىمدىق جەكەلەي سىندا كٷمٸس العان ەدٸ.
