قىتايدىڭ كوروناۆيرۋسقا قارسى 150 مىڭ دانا ۆاكتسيناسى 20 ماۋسىمعا دەيٸن كەلۋٸ مٷمكٸن. بۇل تۋرالى قىرعىزستاننىڭ دەنساۋلىق ساقتاۋ مينيسترٸ الىمكادىر بەيشەناليەۆ حابارلادى. ول ۆاكتسينانى جەتكٸزۋگە UNICEF كٶمەكتەسٸپ جاتقانىن بٸلدٸردٸ, دەپ جازادى ازاتتىق.
"قىتايدان گرانت تٷرٸندە كەلەتٸن كوروناۆيرۋسقا قارسى ۆاكتسينانىڭ ەكٸنشٸ پارتيياسى 20 ماۋسىمعا دەيٸن جەتۋٸ تيٸس. بۇل باعىتتا بارلىق كەلٸسسٶزدەردٸ جٷرگٸزدٸك. UNICEF ۆاكتسينانى جەتكٸزٸپ بەرۋگە كٶمەكتەسەتٸن بولدى".
وسىعان دەيٸن قىرعىزستان قىتاي بەرگەن ۆاكتسينانى الىپ كەلۋگە قاراجات ٸزدەگەن بولاتىن.
قىتاي "Sinopharm" ۆاكتسيناسىنىڭ 75 مىڭ ادامعا جەتەتٸن 150 مىڭ داناسىن ناۋرىز ايىندا قىرعىزستانعا جەردەم رەتٸندە جٸبەرگەن.
29 ناۋرىزدا ٶلكەدە ەكپە سالدىرۋ باستالعان. رەسەيدەن 20 مىڭ ادامعا جەتەتٸن "سپۋتنيك V" ۆاكتسيناسىنىڭ 40 مىڭ داناسى كەلگەن.
جالپى ەمدەلگەندەردٸڭ سانى 90 مىڭنان استى.
حالىقارالىق COVAX باعدارلاماسىنىڭ اياسىندا "Astra Zeneca" ۆاكتسيناسىنىڭ 210 مىڭ داناسى كەلەتٸنٸ حابارلانعان.
