Qytaidyń koronavirýsqa qarsy 150 myń dana vaktsinasy 20 maýsymǵa deiin kelýi múmkin. Bul týraly Qyrǵyzstannyń densaýlyq saqtaý ministri Alymkadyr Beishenaliev habarlady. Ol vaktsinany jetkizýge UNICEF kómektesip jatqanyn bildirdi, dep jazady Azattyq.
"Qytaidan grant túrinde keletin koronavirýsqa qarsy vaktsinanyń ekinshi partiiasy 20 maýsymǵa deiin jetýi tiis. Bul baǵytta barlyq kelissózderdi júrgizdik. UNICEF vaktsinany jetkizip berýge kómektesetin boldy".
Osyǵan deiin Qyrǵyzstan Qytai bergen vaktsinany alyp kelýge qarajat izdegen bolatyn.
Qytai "Sinopharm" vaktsinasynyń 75 myń adamǵa jetetin 150 myń danasyn naýryz aiynda Qyrǵyzstanǵa járdem retinde jibergen.
29 naýryzda ólkede ekpe saldyrý bastalǵan. Reseiden 20 myń adamǵa jetetin "Spýtnik V" vaktsinasynyń 40 myń danasy kelgen.
Jalpy emdelgenderdiń sany 90 myńnan asty.
Halyqaralyq COVAX baǵdarlamasynyń aiasynda "Astra Zeneca" vaktsinasynyń 210 myń danasy keletini habarlanǵan.
