ٷندٸستان قارۋلى كٷشتەرٸ قورعانىس شتابىنىڭ باستىعى, گەنەرال بيپين راۆات مٸنگەن ٷندٸستان ەسكەري-ەۋە كٷشتەرٸنٸڭ ەسكەري تٸكۇشاعى اپاتىنان قازا تاپقاندار سانى 13-كە جەتتٸ. بۇل تۋرالى قازاقپارات NDTV تەلەارناسىنا سٸلتەمە جاساپ حابارلايدى.
سەرسەنبٸدە ٷندٸستان ەسكەري-ەۋە كٷشتەرٸنٸڭ باسپاسٶز قىزمەتٸ Twitter پاراقشاسىندا حابارلاعانداي, بورتىندا گەنەرال راۆات مٸنگەن ەسكەري-ەۋە كٷشتەرٸنٸڭ مي-17ۆ-5 تٸكۇشاعى تاميلناد شتاتىنداعى كۋنۋرا قالاسىنا جاقىن جەردە اپاتقا ۇشىرادى. وقيعانىڭ سەبەبٸن انىقتاۋ ٷشٸن تەرگەۋ باستالدى.
راۆات بورتىندا ونىڭ ەيەلٸ مەن جوعارى شەندٸ ەسكەري قىزمەتكەرلەرٸ بولعان.
قورعانىس شتابى باستىعىنىڭ مٸندەتٸ - ٷندٸستان قارۋلى كٷشتەرٸنٸڭ بارلىق ٷش تارماعىنىڭ: قۇرلىقتاعى كٷشتەردٸڭ, ەۋە كٷشتەرٸنٸڭ جەنە تەڭٸز كٷشتەرٸنٸڭ ەرەكەتٸن ٷيلەستٸرۋ. ول پرەمەر-مينيسترمەن قاۋٸپسٸزدٸك جەنە قورعانىستىق ساتىپ الۋ مەسەلەلەرٸ بويىنشا تٸكەلەي بايلانىستا بولۋى جەنە وعان ۇزاق مەرزٸمدٸ قورعانىستى جوسپارلاۋ جەنە قارۋلى كٷشتەردٸ باسقارۋ مەسەلەلەرٸ بويىنشا كەڭەس بەرۋٸ كەرەك. بۇل رەتتە قورعانىس شتابىنىڭ باستىعىنا قۇرلىق ەسكەرلەرٸنٸڭ, تەڭٸز جەنە ەۋە كٷشتەرٸنٸڭ شتاب باستىقتارى باعىنادى.
