ۇلت ۇياسى ۇلىتاۋدا دەمەۋشٸلەردٸڭ قولداۋىمەن بٷكٸل تٷركٸ جۇرتىنىڭ كيەسٸ سانالاتىن كٶكبٶرٸ ەسكەرتكٸشٸ بوي كٶتەردٸ. ول ۇلىتاۋدان 35 شاقىرىم جەردە – جەزقازعانعا اپاراتىن جول بويىنداعى جولاۋشىلار تىنىستايتىن «كٷمٸسبۇلاق» دەمالىس ورنى اۋماعىندا ورناتىلدى. جاڭا نىسان - ۇلىتاۋدى حالىقارالىق ەتنوتۋريزم ورتالىعىنا اينالدىرۋ باعىتىندا قولعا الىنعان جوبالاردىڭ بٸرٸ, دەپ حابارلايدى "ۇلت اقپارات".
ەرتە دەۋٸردەن كەلە جاتقان جالپى تٷركٸ جۇرتىندا «كٶكبٶرٸدەن تاراعانبىز» دەگەن اڭىزدى بٸرەۋ بٸلسە, بٸرەۋ ۇمىتقان. كٶكبٶرٸنٸ قاسيەت پەن كيەنٸڭ, قايتپاس قايسارلىقتىڭ تامىرى, ٶمٸر سٷرۋ تالاپتارىنىڭ ٶزەگٸ رەتٸندە قابىلداعان. كٶكبٶرٸگە تەن جٸگەر مەن مٸنەز-قۇلىقتى ۇرپاق بويىنا سٸڭٸرۋگە مٷددەلٸ بولعان. مۇنى بٷگٸنگٸ كٷنگە ٷزٸلمەي جەتكەن اڭىزدار دەرەكتەرٸ ايعاقتايدى.
تۇرقى اسا تارتىمدى نىساننىڭ يدەيا اۆتورى ەرٸ مٷسٸنشٸسٸ – ەۋرازييا ديزاينەرلەر وداعىنىڭ مٷشەسٸ امانتاي مەڭدٸعاليەۆ.
«ۇلىتاۋ كٶكبٶرٸسٸ» اتاۋى تەلٸنگەن ەڭسەلٸ ەسكەرتكٸشتٸڭ بيٸكتٸگٸ – 9,70 مەتر, ونىڭ ٸشٸندە مٷسٸننٸڭ بيٸكتٸگٸ – 6 مەتر, ال تۇعىرى - 3,70 مەتر.
كٶكبٶرٸ مٷسٸنٸنٸڭ جەكە سالماعى 2 توننا بولسا, تۇعىرىمەن قوسا ەسەپتەگەندەگٸ سالماعى – 5 توننا شاماسىندا. ٸشكٸ قۇرىلىمى تەمٸردەن ەزٸرلەنٸپ, جالپى بٸتٸمٸ 60 گرادۋس اياز بەن ىستىققا دەس بەرمەيتٸن پلاستيك ماتەريالدان قۇيىلىپ جاسالعان.
ٸرگەتاسى ٶتە مىعىم – 3/3 مەتر اۋماقتا 2 مەتر تەرەڭدٸكتەن باستاپ ساپالى بەتونمەن قۇيىلعان.
«شىعارماشىل ادامنىڭ ٷنەمٸ وي ٷستٸندە جٷرەتٸنٸ, ٸزدەنٸستە بولاتىنى بەلگٸلٸ. «ۇلىتاۋ كٶكبٶرٸسٸ» يدەياسى مەنٸ ستۋدەنت كەزٸمنەن «مازالايتىن». وسىدان بٸر جىلعا جۋىق ۋاقىت بۇرىن مٷسٸننٸڭ ەسكيزٸن جاساپ, قۇزىرلى مەملەكەتتٸك ورگان – قر مەدەنيەت جەنە سپورت مينيسترلٸگٸنەن اۆتورلىق قۇقىق كۋەلٸگٸن دە الىپ قويعان بولاتىنمىن. الايدا, ايتپاسا دا بەلگٸلٸ سەبەپتەرمەن ونى جالپاق جۇرتقا جارقىراتىپ كٶرسەتۋدٸڭ ورايى كەلمەي-اق قويعان. «ساباقتى ينە – سەتٸمەن» دەمەكشٸ, باعالى يدەيانى ۇلىتاۋ اۋدانىنىڭ ەكٸمٸ بەرٸك ەبدٸعاليۇلىنىڭ قولداۋىمەن جٷزەگە اسىرۋ مٷمكٸندٸگٸ تۋدى. ورايى كەلٸپ تۇرعان شارۋانى تيياناقتاۋعا ٶزٸمنٸڭ ۇلىم, مٷسٸنشٸ ارمات مەڭدٸعاليەۆتٸڭ كٶپ كٶمەگٸ تيدٸ», – دەيدٸ مٷسٸنشٸ امانتاي قاجيمۇلى.
اۆتوردىڭ ايتۋىنشا, بۇل – ەلەمدە وسىنداي سيپاتتاعى ەرٸ وسىنداي كٶلەمدەگٸ تۇڭعىش ەسكەرتكٸش. ەندٸ دٷنيە جٷزٸندەگٸ ەڭ ٸرٸ كٶكبٶرٸ مٷسٸنٸ حالىقتىڭ رۋحىن كٶتەرٸپ, نامىسىن جانىپ, ەلدٸك پەن ەرلٸك ۇستانىمىنا ٷندەپ تۇرادى.
اۋداننىڭ اتقارۋشى بيلٸگٸ ونى گيننەستٸڭ رەكوردتار كٸتابىنا ەنگٸزۋ شارالارىنا كٸرٸستٸ.
