ۇلىتاۋ وبلىسىنىڭ تۇرعىنى ٷيٸن جٶندەۋ كەزٸندە سيرەك كەزدەسەتٸن تاريحي قارۋ تاۋىپ الدى, دەپ حابارلايدى ult.kz.
ۇلىتاۋ وبلىسى جاڭاارقا اۋدانىنىڭ پوليتسييا بٶلٸمٸنە جەرگٸلٸكتٸ تۇرعىن حابارلاسىپ, ساتىپ العان ەسكٸ ٷيٸنە جٶندەۋ جۇمىستارىن جٷرگٸزۋ بارىسىندا كٶنە مىلتىق تاۋىپ العانىن حابارلادى. ەڭ باستىسى – ازامات زاڭ تالاپتارىن ساقتاپ, قاۋٸپتٸ زاتتى دەرەۋ پوليتسييا قىزمەتكەرلەرٸنە تاپسىرعان.
تەكسەرۋ بارىسىندا تابىلعان بۇيىمنىڭ جاي عانا قارۋ ەمەس ەكەنٸ انىقتالدى. ول – ەلەمدٸك قارۋ-جاراق تاريحىندا ەرەكشە ورنى بار, ەيگٸلٸ كونسترۋكتور دجون موزەس براۋنينگ جاساعان Browning Auto-5 تەگٸس ۇڭعىلى جارتىلاي اۆتوماتتى مىلتىعى بولىپ شىقتى. اتالعان مودەل 1898 جىلى قۇراستىرىلىپ, 1905 جىلدان باستاپ ەسكەري قۇرىلىمدار مەن قۇقىق قورعاۋ ورگاندارىنىڭ قولدانىسىنا ەنگٸزٸلگەن. سونىمەن قاتار بۇل قارۋ ەكٸنشٸ دٷنيەجٷزٸلٸك سوعىس كەزٸندە دە كەڭٸنەن پايدالانىلعان.
قازٸرگٸ ۋاقىتتا تابىلعان قارۋعا قاتىستى بالليستيكالىق ساراپتامالار تاعايىندالدى. ماماندار ونىڭ ناقتى شىعارىلعان ۋاقىتىن جەنە قانداي دا بٸر قۇقىق بۇزۋشىلىقتارعا قاتىسىنىڭ بار-جوعىن انىقتاپ جاتىر.
پوليتسييا قىزمەتكەرلەرٸ قارۋدى ٶز ەركٸمەن تاپسىرعان اۋدان تۇرعىنىنا العىس بٸلدٸردٸ. تەرتٸپ ساقشىلارىنىڭ ايتۋىنشا, بۇل ەرەكەت ازاماتتىڭ جەكە قاۋٸپسٸزدٸككە عانا ەمەس, قوعام تىنىشتىعىنا دا بەيجاي قارامايتىنىن كٶرسەتەدٸ.
ەسكە سالايىق, زاڭسىز ساقتالعان قارۋ-جاراقتاردى, وق-دەرٸلەر مەن جارىلعىش زاتتاردى ٶز ەركٸمەن پوليتسيياعا تاپسىرعان ازاماتتار, ەگەر ولاردىڭ ەرەكەتتەرٸندە ٶزگە قۇقىق بۇزۋشىلىق بەلگٸلەرٸ بولماسا, قىلمىستىق جەنە ەكٸمشٸلٸك جاۋاپكەرشٸلٸكتەن بوساتىلادى.
