سۋرەت: gov.kz
ولار مەملەكەتتٸك ساتىپ الۋلاردا زاڭبۇزىشىلىقتارعا جول بەرگەن. لاۋازىمدى تۇلعالار 3,7 ملرد تەڭگەگە زاڭسىز مەملەكەتتٸك ساتىپ الۋ ٶتكٸزبەك بولعان. باس پروكۋراتۋرا 12 مەملەكەتتٸك ساتىپ الۋدىڭ كٷشٸن جويعان.
ۆەدومستۆو اقپاراتى بويىنشا, بۇل زاڭسىز ساتىپ الۋلاردا جەرگٸلٸكتٸ اتقارۋشى ورگاندار كونكۋرستاردى جارييالاۋ كەزٸندە تيٸستٸ ساراپتامالار جٷرگٸزبەگەن, جوبالىق-سمەتالىق قۇجاتتامالار بولماعان جەنە ەلەۋەتتٸ جەتكٸزۋشٸلەردٸڭ جاعدايىن ناشارلاتاتىن تالاپتار كٶزدەگەن.
مىسالى جەزقازعان قالاسىنىڭ ەكونوميكا جەنە قارجى بٶلٸمٸ 1,9 ملرد تەڭگەگە اۆتوموبيل جولدارىن كٷتٸپ ۇستاۋعا مەملەكەتتٸك ساتىپ الۋ جارييالاعان. تاپسىرىس بەرۋشٸ كونكۋرستىق قۇجاتتامادا زاڭدا كٶزدەلمەگەن بٸلٸكتٸلٸك تالاپتارىن نەگٸزسٸز قويعان. سونىمەن قاتار تاپسىرىس بەرۋشٸ بيۋدجەت زاڭناماسىنىڭ تالاپتارىن بۇزا وتىرىپ, 3 جىل مەرزٸمگە قالا جولدارىن كٷتٸپ ۇستاۋ تۋرالى كەلٸسٸمشارت جاساسۋدى جوسپارلاعان.
تاعى بٸر جاعدايدا ۇلىتاۋ وبلىسى دەنساۋلىق ساقتاۋ باسقارماسىنىڭ وبلىستىق پسيحيكالىق دەنساۋلىق ورتالىعى ناۋقاستاردى تاماقتاندىرۋ قىزمەتٸن ساتىپ الۋ كەزٸندە قارجىنى 17,2 ملن تەڭگەگە نەگٸزسٸز جوعارىلاتقان.
پروكۋرورلاردىڭ نارازىلىعىمەن زاڭسىز مەملەكەتتٸك ساتىپ الۋلار جويىلىپ, 9 لاۋازىمدى تۇلعا تەرتٸپتٸك, 17-سٸ ەكٸمشٸلٸك جاۋاپكەرشٸلٸككە تارتىلعان.
