فوتودا: اكتەر دوسحان جولجاقسىنوۆ قۇنانباي رٶلٸندە. سۋرەتتٸڭ اۆتورى - رافات بەگيشەۆ
جۋرناليست نۇرسەيٸت جىلقىشىباي تۇرعىندارعا ەرەكشە ۇسىنىس جاسادى. ول بالاسىنىڭ اتىن قۇنانباي دەپ قويعان ون ادامعا «الامان» كومپانيياسىنىڭ اتىنان 3 ملن تەڭگە, ياعني ەر ادامعا 300 مىڭ تەڭگەدەن بٶلەتٸنٸن جارييالادى, دەپ حابارلايدى Ult.kz.
نۇرسەيٸت جىلقىشىباي بۇل يدەيانى كەسٸپكەر دۋلات تاستەكەيدەن العان ەكەن.
"كەسٸپكەر دۋلات تاستەكەي اعامىز ۇلى ابايدىڭ 180 جىلدىعىنا كەرەمەت بٸر باستاما كٶتەرٸپ جاتىر ەكەن. 2025 جىلدىڭ 10 تامىز كٷنٸ دٷنيە ەسٸگٸن اشقان بارلىق ابايلارعا 180 مىڭ تەڭگەدەن بەرمەك ەكەن. اسىلتاس قورىنىڭ بۇل باستاماسىن مەن دە ٶز شاما-شارقىمشا قولدايمىن. بٸراق... ", -دەي كەلە ٶز شارتىن فەيسبۋك ارقىلى جارييالادى.
فوتو: نۇرسەيٸت جىلقىشىبايدىڭ فەيسبۋك پاراقشاسىنان
"قازاقتا اباي دەگەن ات از ەمەس. ال قۇنانباي شە? الدا بٸر جازعانىمداي قۇنانباي, دٶنەنتاي, تۇرسىن سىندى قازٸر قازاقى اتتار قويىلماي كەتتٸ. ەسەسٸنە ارابشا اتتار قاپتادى. بۇل بٸر. ەكٸنشٸدەن ابايدىڭ اباي بولۋىنا ىقپال ەتكەن ەكەسٸ. ەمەندەي بەرٸك, بەيتەرەكتەي زور قۇانانباي! قارادان شىعىپ حان بولعان. ەدٸلدٸكتٸ قاق جارعان شەشەن ەرٸ بالۋان بولعان تۇلعا!" -دەپ ايتتى ن. جىلقىشىباي.
جۋرناليستٸڭ شارتى: ۇلىنىڭ اتىن قۇنانباي دەپ قويعان ون ادامعا «الامان» كومپانيياسىنىڭ اتىنان 3 ملن تەڭگە بٶلٸنەدٸ. ياعني بالاسىنىڭ اتىن قۇنانباي دەپ قويسا 300 مىڭ تەڭگەنٸ بٸردەن اتا-اناسىنىڭ شوتىنا اۋدارماق.
ول ٷشٸن بالاسىنىڭ اتىن قۇنانباي دەپ قويعانىن دەلەلدەيتٸن تۋۋ تۋرالى كۋەلٸكتٸ ن. جىلقىشىباي كٶرسەتكەن WhatsApp نومەرٸنە جٸبەرۋ كەرەك. بۇل شارا 1 ناۋرىزدان باستالادى.
"ەرينە كەيٸن بۇل شارانىڭ ەسەبٸن ٶزدەرٸڭٸزگە بەرەمٸن. ون سەبي قۇنانبايدى ٶزدەرٸڭٸزگە تانىستىرامىن. سٸزدەر اق تٸلەكتەرٸڭٸزدٸ ايتاسىزدار!" -دەدٸ نۇرسەيٸت جىلقىشىباي.
بۇل يدەيا جەلٸ قولدانۋشىلارىنىڭ قىزىعۋشىلىعىن تۋعىزدى. جۋرناليست گٷلزينا بەكتاسوۆا ارنايى ۇلتتىق ستاتيستيكا بيۋروسىنداعى اقپاراتتاردى زەرتتەپ, ەلٸمٸزدە 1-18 جاس اراسىندا قۇنانباي ەسٸمدٸ 135 بالا بار ەكەنٸن انىقتاپتى. قۇنانباي ەسٸمدٸ 22 بالانىڭ جاسى – 3-تە, بٸر قۇنانباي 12-دە بولسا, بٸرەۋٸ – 13-تە ەكەن دەپ جازادى جۋرناليست.
